| Nummer:ogd1008 | Datum:12 sept. 1398 | Overlevering:Editie | Vindplaats:Oorkondenboek Groningen en Drenthe, nr. 1008 |
Ayleko Ferhildema en enige andere hoofdelingen beloven als leenmannen aan hertog Albrecht van Beieren hun best te zullen doen om hem in de stad Groningen als heer te doen huldigen, en hem in geval van oorlog te zullen steunen.
Wy, Ayleko Ferhildema, Reyner Eysinga, Omeko Snelgherszoen, Haye Wibben, Tammo Gockenga ende Menno Howerda, hoeftlinghe tusschen der Lauwaers ende der Eemse in Oest-
vrieslant, doen cond allen luden, want die hoechgeboren vorste, onse lyeve genedige here, hertoge Ailbrecht van Beyeren, grave van Henegouwen, van Hollant, van Zeelant ende heer van Vrieslant, bi onser updrachte ende sijnre ghenaden ons verlyet heeft ende verleent alrehande landen, herlicheden ende gueden, gheleghen tusschen der Lauwers ende der Eemse voirs., soe hebben wy ende elx van ons gheloeft ende geloven mit desen brieve onsen lyeven here, hertoge Ailbrecht voirnoemt, ende sinen nacomelinghen onse best te doen na alre onser wetentheit ende machte, dat dieselve onse lyeve heer ghehult ende ontfaen worde bijnnen der stat van Groeningen tot horen rechten heer, scout ende gerecht dairin te setten ende te ontsetten ende te hebben ende up te bueren alle forfeyten ende vervallen, dat him mit recht toebehoert. Ende waer dat sake dat die van Groeningen voirs. onsen lyeven here dairin wederstandich ende overhorich waren, soe gheloven wy onsen lieven here voirs. hulpich ende bistandich te wesen in sinen orloghe tiegens derselver stat van Groeningen ende enen yegeliken, dies mit hun tiegens onsen lieven here voirs. begripen wilde, ende dier ende derselver stat vyant te worden mit onsen lyeven heer, wanneer wij des van him vermaent sullen worden. In orcunde etc. Gescreven opten Xllsten dach van de maent van Septembris anno XCVIII.
vrieslant, doen cond allen luden, want die hoechgeboren vorste, onse lyeve genedige here, hertoge Ailbrecht van Beyeren, grave van Henegouwen, van Hollant, van Zeelant ende heer van Vrieslant, bi onser updrachte ende sijnre ghenaden ons verlyet heeft ende verleent alrehande landen, herlicheden ende gueden, gheleghen tusschen der Lauwers ende der Eemse voirs., soe hebben wy ende elx van ons gheloeft ende geloven mit desen brieve onsen lyeven here, hertoge Ailbrecht voirnoemt, ende sinen nacomelinghen onse best te doen na alre onser wetentheit ende machte, dat dieselve onse lyeve heer ghehult ende ontfaen worde bijnnen der stat van Groeningen tot horen rechten heer, scout ende gerecht dairin te setten ende te ontsetten ende te hebben ende up te bueren alle forfeyten ende vervallen, dat him mit recht toebehoert. Ende waer dat sake dat die van Groeningen voirs. onsen lyeven here dairin wederstandich ende overhorich waren, soe gheloven wy onsen lieven here voirs. hulpich ende bistandich te wesen in sinen orloghe tiegens derselver stat van Groeningen ende enen yegeliken, dies mit hun tiegens onsen lieven here voirs. begripen wilde, ende dier ende derselver stat vyant te worden mit onsen lyeven heer, wanneer wij des van him vermaent sullen worden. In orcunde etc. Gescreven opten Xllsten dach van de maent van Septembris anno XCVIII.
x
| Fonds | Oorkondenboek Groningen en Drenthe |
|---|---|
| Nr | 1008 |
| Olim | Naar een register getiteld Oostvrieslandt, fol. XVvo, en in een register getiteld Oostvrieslant (B), fol. XVI, in het rijksarchief te 's Gravenhage. |
| Jaar | 1398 |
| Datumcode | 1209 |