| Nummer:ogd1031 | Datum:4 juni 1399 | Overlevering:Editie | Vindplaats:Oorkondenboek Groningen en Drenthe, nr. 1031 |
Fredericus, bisschop van Utrecht, geeft voorschriften voor de broeders en zusters van de Franciscaner orde.
Fredericus, Dei gratia episcopus Trajectensis, universis et singulis provisoribus, decanis , ecclesiarum rectoribus, vicariis seu eorum loca
tenentibus ceterisque presbyteris et clericis nostrarum
civitatis et dyocesis, ad quos presentes nostre littere pervenerint, salutem in Domino. Cum auctoritate ac commissione sedis apostolice necnon
ordinaria nostra solicitudine pastorali debita providentia personas
fratrum ac sororum de ordine penitentium, quem beatus Franciscus instituit, teneamur in suis observantiis regularibus defendere ac fovere,
idcirco nos premissorum intuitu personarum ejusdem ordinis paci et quieti providere volentes, vobis universis ac singulis sub pena suspensionis
precipiendo mandamus, quatenus singuli vestrum, ad quos presentes nostre littere pervenerint, ad requisitionem dictorum fratrum vel sororum,
conjunctim vel divisim, universos et singulos, quos ipsi vobis nominaverint, contra ipsorum privilegia et libertates eos in suis personis vel
rebus aut super donatis eisdem vel legatis seu qualitercunque debitis presumpserint injurias irrogare aut ipsos in suis locis per potationes
inquietare aut alias insolentias quomodolibet perturbare, quando et quotiens fueritis requisiti, autoritate nostra efficaciter moneatis, ut
infra novem dies post vestram monitionem, quorum tres pro primo, tres pro secundo et residues tres pro tertio et peremptorio termino assignamus,
eisdem passis injurias satisfaciant ac reddant eis debita, que tenentur, nisi aliquis vel aliqui predictorum injuriantium causam pretendere
voluerint, quare ad predicta minime teneantur. Ad quam pretendendam citetis eum vel eos, ut compareant coram nobis Trajecti, si ibi presentes
fuerimus, alioquin coram officiali nostro ibidem, ad diem et horam competentes, quos predicti fratres vel sorores elegerint, eorum procuratori
super objiciendis rationabiliter responsuri et juri, prout debuerint, parituri. Diem autem et horam citationis et nomina citatorum vel citati
nobis litteratorie intimetis. Preterea quia fratribus et sororibus ejusdem ordinis concessimus et concedimus per presentes ex gratia speciali,
ut, cum oportunum eis visum fuerit, possint unam missam quolibet die dumtaxat submissa voce sine cantu etiam tempore interdicti, dummodo causam
vel occasionem non dederint interdicto, in eorum domibus coram se per presbyteros ydoneos super altari portatili consecrato facere celebrari,
vobis simili modo mandamus, ut hanc gratiam a nobis factam, cum ab eis requisiti fueritis, publicetis. Postremo cum persone sepedicti ordinis
communi et concordi consensu libere per arbitrium proprium sine contradictione qualibet se constituerint ac bona sua que ejusdem ordinis vel
status domibus sua libera voluntate pro communi earum utilitate contulerint, eidem communitati libere maneant, nec eis viventibus vel
morientibus ab aliquo alio valeant usurpari, et si qua hujusmodi personarum inobedientiam incurrerit contumacem vel, quod absit, manifeste
deliquerit committendo furtum rei notabilis vel lapsum carnis notorium vel peccando aliter, unde infamia gravis et scandalum publicum oriretur,
ita ut accedente in dicto discretorum judicio enormis judicetur excessus, et si majoris partis fratrum et sororum illius domus accedat
consensus, talis persona ipso facto communis societatis et cohabitationis in illa domo, in qua habitando hujusmodi delictum commiserit, habeatur
indigna et omnis participationis, quam in domo illa et area ac rebus aliis communibus ibidem habuit, sit privata. Si qua etiam persona hujusmodi
temeritate propria ab eadem domo sine licentia sui superioris expressa discesserit, illi numquam de cetero ad eandem domum pateat additus
revertendi sed ab illa penitus sit exclusa, proviso quod ille persone, que ex causis prenarratis sic a domibus, quas inhabitabant, expulse
fuerint, in aliis non suspectis domibus ad peragendam penitentiam etiam aptis et congruis collocentur, ne materiam habeant evagandi. Et ne de
ipsorum malitiis videantur commodum reportare fratres et sorores ejusdem ordinis, ut premittitur, concorditer arbitrati sunt, ut hujusmodi
collocatio fiat ipsorum propriis sumptibus et expensis, maxime cum habere proprium ipsorum statui non repugnet. Nos arbitria hujusmodi honesta,
rationabilia ac salubria judicantes, ipsa tenore presentium approbamus et autoritate premissa duximus confirmanda, volentes et statuentes illa
perpetue habere robur firmitatis. Si qua autem personarum premissarum recusaverit vel negglexerit predicta servare, decanus christianitatis et
custos Fratrum Minorum vel gardianus loco predicto vicinores teneantur tales autoritate nostra cogere ad observantiam premissorum. In quorum
omnium robur et testimonium sigillum nostrum duximus presentibus apponendum. Datum Trajecti anno Domini MCCCXCIX mensis Junii die quarta .
tenentibus ceterisque presbyteris et clericis nostrarum
civitatis et dyocesis, ad quos presentes nostre littere pervenerint, salutem in Domino. Cum auctoritate ac commissione sedis apostolice necnon
ordinaria nostra solicitudine pastorali debita providentia personas
fratrum ac sororum de ordine penitentium, quem beatus Franciscus instituit, teneamur in suis observantiis regularibus defendere ac fovere,
idcirco nos premissorum intuitu personarum ejusdem ordinis paci et quieti providere volentes, vobis universis ac singulis sub pena suspensionis
precipiendo mandamus, quatenus singuli vestrum, ad quos presentes nostre littere pervenerint, ad requisitionem dictorum fratrum vel sororum,
conjunctim vel divisim, universos et singulos, quos ipsi vobis nominaverint, contra ipsorum privilegia et libertates eos in suis personis vel
rebus aut super donatis eisdem vel legatis seu qualitercunque debitis presumpserint injurias irrogare aut ipsos in suis locis per potationes
inquietare aut alias insolentias quomodolibet perturbare, quando et quotiens fueritis requisiti, autoritate nostra efficaciter moneatis, ut
infra novem dies post vestram monitionem, quorum tres pro primo, tres pro secundo et residues tres pro tertio et peremptorio termino assignamus,
eisdem passis injurias satisfaciant ac reddant eis debita, que tenentur, nisi aliquis vel aliqui predictorum injuriantium causam pretendere
voluerint, quare ad predicta minime teneantur. Ad quam pretendendam citetis eum vel eos, ut compareant coram nobis Trajecti, si ibi presentes
fuerimus, alioquin coram officiali nostro ibidem, ad diem et horam competentes, quos predicti fratres vel sorores elegerint, eorum procuratori
super objiciendis rationabiliter responsuri et juri, prout debuerint, parituri. Diem autem et horam citationis et nomina citatorum vel citati
nobis litteratorie intimetis. Preterea quia fratribus et sororibus ejusdem ordinis concessimus et concedimus per presentes ex gratia speciali,
ut, cum oportunum eis visum fuerit, possint unam missam quolibet die dumtaxat submissa voce sine cantu etiam tempore interdicti, dummodo causam
vel occasionem non dederint interdicto, in eorum domibus coram se per presbyteros ydoneos super altari portatili consecrato facere celebrari,
vobis simili modo mandamus, ut hanc gratiam a nobis factam, cum ab eis requisiti fueritis, publicetis. Postremo cum persone sepedicti ordinis
communi et concordi consensu libere per arbitrium proprium sine contradictione qualibet se constituerint ac bona sua que ejusdem ordinis vel
status domibus sua libera voluntate pro communi earum utilitate contulerint, eidem communitati libere maneant, nec eis viventibus vel
morientibus ab aliquo alio valeant usurpari, et si qua hujusmodi personarum inobedientiam incurrerit contumacem vel, quod absit, manifeste
deliquerit committendo furtum rei notabilis vel lapsum carnis notorium vel peccando aliter, unde infamia gravis et scandalum publicum oriretur,
ita ut accedente in dicto discretorum judicio enormis judicetur excessus, et si majoris partis fratrum et sororum illius domus accedat
consensus, talis persona ipso facto communis societatis et cohabitationis in illa domo, in qua habitando hujusmodi delictum commiserit, habeatur
indigna et omnis participationis, quam in domo illa et area ac rebus aliis communibus ibidem habuit, sit privata. Si qua etiam persona hujusmodi
temeritate propria ab eadem domo sine licentia sui superioris expressa discesserit, illi numquam de cetero ad eandem domum pateat additus
revertendi sed ab illa penitus sit exclusa, proviso quod ille persone, que ex causis prenarratis sic a domibus, quas inhabitabant, expulse
fuerint, in aliis non suspectis domibus ad peragendam penitentiam etiam aptis et congruis collocentur, ne materiam habeant evagandi. Et ne de
ipsorum malitiis videantur commodum reportare fratres et sorores ejusdem ordinis, ut premittitur, concorditer arbitrati sunt, ut hujusmodi
collocatio fiat ipsorum propriis sumptibus et expensis, maxime cum habere proprium ipsorum statui non repugnet. Nos arbitria hujusmodi honesta,
rationabilia ac salubria judicantes, ipsa tenore presentium approbamus et autoritate premissa duximus confirmanda, volentes et statuentes illa
perpetue habere robur firmitatis. Si qua autem personarum premissarum recusaverit vel negglexerit predicta servare, decanus christianitatis et
custos Fratrum Minorum vel gardianus loco predicto vicinores teneantur tales autoritate nostra cogere ad observantiam premissorum. In quorum
omnium robur et testimonium sigillum nostrum duximus presentibus apponendum. Datum Trajecti anno Domini MCCCXCIX mensis Junii die quarta .
x
| Fonds | Oorkondenboek Groningen en Drenthe |
|---|---|
| Nr | 1031 |
| Olim | Naar het origineel in het rijksarchief te Groningen (Reg. 1399, no. 5), hoog 20,5, breed 37 cm. Ook gedrukt bij Driessen, blz. 820. |
| Jaar | 1399 |
| Datumcode | 0406 |
x
| Commentaar | Aan het stuk hangt een rond zegel in rode was, doorsneden, in het bovenste de bisschop ten halven lijve met kromstaf onder een gothieken baldakijn, aan weerszijden naar het midden gewende engelen ten halven lijve, in het onderste twee wapenschilden, rechts beladen met een kruis (bisdom Utrecht), links beladen met een klimmenden leeuw en een barensteel (geslacht van Blankenheim); randschrift: S. FREDERICI . . . HEIM . . . |
|---|