| Nummer:ogd1043 | Datum:13 okt. 1399 | Overlevering:Editie | Vindplaats:Oorkondenboek Groningen en Drenthe, nr. 1043 |
Alardus de Molendino, proost en aartsdiaken van St. Marie te Utrecht, machtigt de pastoor te Peize om Johan van Hoxberghe als pastoor te Eelde te bevestigen.
Alardus de Molendino, prepositus et archidiaconus ecclesie sancte Marie Trajectensis, dilecto nostro curato ecclesie in Peyse
ac universis et singulis presbiteris et clericis nobis subditis, ad quos presens nostrum mandatum pervenerit, salutem in Domino sempiternam. Presentato nobis
discrete viro domino Johanne de Hoxberghe, presbitero, ad ecclesiam parrochialem de Elden, in nostro archidiaconatu Drenthie sitam, vacantem ad presens per mortem domini Bernardi, ultimi rectoris ejusdem, a religioso viro domino Splinter van den Enghe, commendatore provinciali balye Trajectensis ordinis Theutonicorum hospitalis sancte Marie Jherosolimitani, dicte ecclesie vero ut dicitur patrono, pro cura animarum et custodia reliquiarum eidem domino Johanni committendis, nos vero juxta verbum apostoli nemini cito manus imponere volentes, mandamus vobis omnibus et singulis prescriptis, qui super hoc fueritis requisiti, quatenus ad dictam ecclesiam de Elden et alibi, ubi propter hoc fuerit accedendum , accedentes, citetis omnes et singulos, conjunctim et divisim, qui sua crediderint quomodolibet interesse, tribus diebus festivis a se distantibus, qui se dicto presentato vel ejus presentationi opponere voluerint, ut coram vobis compareant ad certum competentem peremptorium terminum, et si in hujusmodi termino nullus comparuerit, qui se dicto presentato aut ejus presentationi opponere velit, tunc predictum dominum Johannem ad eandem ecclesiam de Elden admittatis, auctoritate nostra ipsum instituentes et investientes personaliter in eandem, quem extunc etiam et nos ad prefatam ecclesiam de Elden admittimus et ipsum instituimus et investimus per presentes, curam animarum et custodiam reliquiarum sibi in Dei nomine committendo. Mandamus insuper vobis omnibus et singulis prescriptis in virtute sancte obedientie et sub penis suspensionis et excommunicationis, quatenus prefatum dominum Johannem, si in dicto termino nullus comparuerit contradictor ut prescriptum est, accedentes ad dictam ecclesiam de Elden in corporalem possessionem ejusdem ecclesie seu quasi inducatis auctoritate nostra cum solempnitatibus debitis et consuetis, recepto tamen prius ab eo fidelitatis, obedientie et indempnitatis solito juramento, precipientes populo ibidem, ut ipsi domino Johanni tamquam eorum vero curato in omnibus reverenter obediant ac intendant, necnon sibi de fructibus, redditibus, proventibus, juribus et obventionibus predicte ecclesie respondeant temporibus ad hoc statutis. Datum anno Domini millesimo trecentesimo nonagesimo nono feria secunda post festum beati Victoris. L. Bruninc.
ac universis et singulis presbiteris et clericis nobis subditis, ad quos presens nostrum mandatum pervenerit, salutem in Domino sempiternam. Presentato nobis
discrete viro domino Johanne de Hoxberghe, presbitero, ad ecclesiam parrochialem de Elden, in nostro archidiaconatu Drenthie sitam, vacantem ad presens per mortem domini Bernardi, ultimi rectoris ejusdem, a religioso viro domino Splinter van den Enghe, commendatore provinciali balye Trajectensis ordinis Theutonicorum hospitalis sancte Marie Jherosolimitani, dicte ecclesie vero ut dicitur patrono, pro cura animarum et custodia reliquiarum eidem domino Johanni committendis, nos vero juxta verbum apostoli nemini cito manus imponere volentes, mandamus vobis omnibus et singulis prescriptis, qui super hoc fueritis requisiti, quatenus ad dictam ecclesiam de Elden et alibi, ubi propter hoc fuerit accedendum , accedentes, citetis omnes et singulos, conjunctim et divisim, qui sua crediderint quomodolibet interesse, tribus diebus festivis a se distantibus, qui se dicto presentato vel ejus presentationi opponere voluerint, ut coram vobis compareant ad certum competentem peremptorium terminum, et si in hujusmodi termino nullus comparuerit, qui se dicto presentato aut ejus presentationi opponere velit, tunc predictum dominum Johannem ad eandem ecclesiam de Elden admittatis, auctoritate nostra ipsum instituentes et investientes personaliter in eandem, quem extunc etiam et nos ad prefatam ecclesiam de Elden admittimus et ipsum instituimus et investimus per presentes, curam animarum et custodiam reliquiarum sibi in Dei nomine committendo. Mandamus insuper vobis omnibus et singulis prescriptis in virtute sancte obedientie et sub penis suspensionis et excommunicationis, quatenus prefatum dominum Johannem, si in dicto termino nullus comparuerit contradictor ut prescriptum est, accedentes ad dictam ecclesiam de Elden in corporalem possessionem ejusdem ecclesie seu quasi inducatis auctoritate nostra cum solempnitatibus debitis et consuetis, recepto tamen prius ab eo fidelitatis, obedientie et indempnitatis solito juramento, precipientes populo ibidem, ut ipsi domino Johanni tamquam eorum vero curato in omnibus reverenter obediant ac intendant, necnon sibi de fructibus, redditibus, proventibus, juribus et obventionibus predicte ecclesie respondeant temporibus ad hoc statutis. Datum anno Domini millesimo trecentesimo nonagesimo nono feria secunda post festum beati Victoris. L. Bruninc.
x
| Fonds | Oorkondenboek Groningen en Drenthe |
|---|---|
| Nr | 1043 |
| Olim | Naar het origineel in het archief der Duitsche orde te Utrecht, hoog 19, breed 29 cm. Ook gedrukt bij de Geer van Oudegein, Arch. der Duitsche orde, dl. II, blz. 805. |
| Jaar | 1399 |
| Datumcode | LpGerVic |