| Nummer:ogd1097 | Datum:30 nov. 1401 | Overlevering:Editie | Vindplaats:Oorkondenboek Groningen en Drenthe, nr. 1097 |
Frederik, bisschop van Utrecht, en de stad Groningen sluiten een wapenstilstand.
Frederic, bi der genaden Gaits bisscop tUtrecht, maken kont ende kenlic allen luden mit desen apenen brieve, dat wy voir uns ende unsen
gemeynen stichte van Utrecht ende unsen hulperen in der sake, die wy hebben mitter stad van Gronyngen ende horen hulperen, gemaket
hebben enen vasten vrede sonder argelist witliken ende wal te holden mitter stad van Gronyngen ende den Vriesen, die unse vyande syn, ende horen hulperen, durende want sancte Martijnsdage toe in den winter naestcomende ende den dach all in manieren als hiernae beschreven is. Int ijrst soe soelen alle dieghene, die gevangen syn van deser vede wegen dach hebben an beiden siden thent sancte Martijnsdach vurs. ende dien dach all. Ende een ygelic sal up syn zekerheit gaen, den men des geloeven mach. Den men des niet geloevet, die sal burgen setten tenden synre eeren, ende die borchtucht sal men redelic nemen nae elkes vermogen. Ende weert sake, dat dese saken niet gesoent en worden bynnen desen vrede vurs., soe soelen alle gevangene weder incomen des anderen dages nae sunt Martijnsdage vurs. Item bynnen desen vrede en soelen wy ghene sloete upslaen tegens die van Gronyngen off den Vriesen bynnen den lande van Drenthe off den gerichte van Gronyngen, ende Blanckewer niet sunderlingen te vesten, sender argelist. Item een ygelic sal comen up sijn guet als hijt vint ende des gebruken als hijt voir der veden plach te bruken, alsoelange als dese vurs. vrede duert. Item die stad van Gronyngen soelen die gerichte van Gronyngen vurs bruken alsoe als sy die hiertoe gebruket hebben up die selve pacht, den sy den heren van den Doem dairaff plegen te geven alle die wile, dat dese vrede duert. Item wy ende unse gestichte van Utrecht soelen staen in gansen vrientscappen ende guden bestande mit den meynen Vriesen, tusschen der Emeze ende Staveren geseten, alsoe dat sy ende unse gestichtslude veilich varen ende keren mogen onder malcanderen te water ende te lande ende en soelen tegen malcanderen niet doen, alsoelange als die vurs. vrede duert, sonder argelist. Item die strate sal open wesen allen luden te varen ende te keren onder malcanderen, dair ellic te doen heeft, mit lieve ende mit gude, alst plach te wesen eer der vede, sonder argelist. Ende wy loeven voir uns, voir unse gestichte ende hulpere dese vurs. punten stede vast ende onverbroeken te holden. In oirkunde der wairheit soe hebben wy unsen segel an desen brieff doen hangen. Gegeven int jair unss Heren dusent vierhundert ende een up sunte Andresdach des heiligen apostols .
gemeynen stichte van Utrecht ende unsen hulperen in der sake, die wy hebben mitter stad van Gronyngen ende horen hulperen, gemaket
hebben enen vasten vrede sonder argelist witliken ende wal te holden mitter stad van Gronyngen ende den Vriesen, die unse vyande syn, ende horen hulperen, durende want sancte Martijnsdage toe in den winter naestcomende ende den dach all in manieren als hiernae beschreven is. Int ijrst soe soelen alle dieghene, die gevangen syn van deser vede wegen dach hebben an beiden siden thent sancte Martijnsdach vurs. ende dien dach all. Ende een ygelic sal up syn zekerheit gaen, den men des geloeven mach. Den men des niet geloevet, die sal burgen setten tenden synre eeren, ende die borchtucht sal men redelic nemen nae elkes vermogen. Ende weert sake, dat dese saken niet gesoent en worden bynnen desen vrede vurs., soe soelen alle gevangene weder incomen des anderen dages nae sunt Martijnsdage vurs. Item bynnen desen vrede en soelen wy ghene sloete upslaen tegens die van Gronyngen off den Vriesen bynnen den lande van Drenthe off den gerichte van Gronyngen, ende Blanckewer niet sunderlingen te vesten, sender argelist. Item een ygelic sal comen up sijn guet als hijt vint ende des gebruken als hijt voir der veden plach te bruken, alsoelange als dese vurs. vrede duert. Item die stad van Gronyngen soelen die gerichte van Gronyngen vurs bruken alsoe als sy die hiertoe gebruket hebben up die selve pacht, den sy den heren van den Doem dairaff plegen te geven alle die wile, dat dese vrede duert. Item wy ende unse gestichte van Utrecht soelen staen in gansen vrientscappen ende guden bestande mit den meynen Vriesen, tusschen der Emeze ende Staveren geseten, alsoe dat sy ende unse gestichtslude veilich varen ende keren mogen onder malcanderen te water ende te lande ende en soelen tegen malcanderen niet doen, alsoelange als die vurs. vrede duert, sonder argelist. Item die strate sal open wesen allen luden te varen ende te keren onder malcanderen, dair ellic te doen heeft, mit lieve ende mit gude, alst plach te wesen eer der vede, sonder argelist. Ende wy loeven voir uns, voir unse gestichte ende hulpere dese vurs. punten stede vast ende onverbroeken te holden. In oirkunde der wairheit soe hebben wy unsen segel an desen brieff doen hangen. Gegeven int jair unss Heren dusent vierhundert ende een up sunte Andresdach des heiligen apostols .
x
| Fonds | Oorkondenboek Groningen en Drenthe |
|---|---|
| Nr | 1097 |
| Olim | Naar het origineel in het rijksarchief te Groningen (Reg. 1401, no. 4), hoog 25, breed 39 cm. |
| Jaar | 1401 |
| Datumcode | Andree |