| Nummer:ogd1112 | Datum:13 mei 1402 | Overlevering:Editie | Vindplaats:Oorkondenboek Groningen en Drenthe, nr. 1112 |
Hendrik van Selwerd verklaart een erf met hofstede aan het St. Walburgskerkhof Groningen te hebben verkocht aan Reynold Huginc en draagt het hem over.
Ic, Henric van Zelewert, doe kundich allen luden ende bekenne mit dessen openen breve, dat ic vor mi ende al mine erfghenamen erflic ende ewelic stedes
erfcopes vercoft hebbe umme ene summe gheldes, de mi witlike ende wal betaelt is, Reynolde Huginc, borgher in Groningen, ende sinen erfghenamen mijn erve
ende hofstede, beleghen binnen der stat van Groninghen bij sente Wolberghekerchof, daer nu ter tijt Arnt de goltsmit oppe wonachtich is, na datum desses brieves mit al zinen tobehoern behalven dat tymmer, dat daeruppe staet, gheleghen tusschen der voghede erve van sente Wolberghekercke, streckende oestwert ter stadmuren, daer der stad wech ende weteringhe tusschen leghet, ende zuetwert an sente Wolberghekerchof vorscreven. Ende ic draghet hem up ende vertye daervan ewigher vertichnisse, also dat ic noch mine erfghenamen noch nemant van mijnre weghene daer enich besprec of recht an beholden en hebben in enigher wijs. Ende ic lovet hem to waerne nae oeren stadrechte vor eyn edel eyghen vor mi ende vor mine erfghenamen ende vor al deghene, de des to rechte komen willen, al arghelist uytghesproken. In orkonde ende tuech der waerheyt soe hebbe ic, Henric vors., vor mi ende vor al mine erfghenamen mijn zeghel an dessen brief ghehanghen. Ende umme meerre vestenisse willen so hebbe ic ghebeden juncher Egberte van Grammesberghe ende Roleve van den Zande, richter in der tijt ten Hardenberghe, dit over mi to beseghelne. Ende wij, Egbert ende Rolef vors., umme bede willen Henrikes vorscreven ende umme de meerre vestenisse ten tughe der waerheyt hebbe wij onse seghele mede an dessen brief ghehanghen. Ghegheven in den jaer onses Heren dusent vierhundert ende twe op sente Servaciusdach to middes Meye .
erfcopes vercoft hebbe umme ene summe gheldes, de mi witlike ende wal betaelt is, Reynolde Huginc, borgher in Groningen, ende sinen erfghenamen mijn erve
ende hofstede, beleghen binnen der stat van Groninghen bij sente Wolberghekerchof, daer nu ter tijt Arnt de goltsmit oppe wonachtich is, na datum desses brieves mit al zinen tobehoern behalven dat tymmer, dat daeruppe staet, gheleghen tusschen der voghede erve van sente Wolberghekercke, streckende oestwert ter stadmuren, daer der stad wech ende weteringhe tusschen leghet, ende zuetwert an sente Wolberghekerchof vorscreven. Ende ic draghet hem up ende vertye daervan ewigher vertichnisse, also dat ic noch mine erfghenamen noch nemant van mijnre weghene daer enich besprec of recht an beholden en hebben in enigher wijs. Ende ic lovet hem to waerne nae oeren stadrechte vor eyn edel eyghen vor mi ende vor mine erfghenamen ende vor al deghene, de des to rechte komen willen, al arghelist uytghesproken. In orkonde ende tuech der waerheyt soe hebbe ic, Henric vors., vor mi ende vor al mine erfghenamen mijn zeghel an dessen brief ghehanghen. Ende umme meerre vestenisse willen so hebbe ic ghebeden juncher Egberte van Grammesberghe ende Roleve van den Zande, richter in der tijt ten Hardenberghe, dit over mi to beseghelne. Ende wij, Egbert ende Rolef vors., umme bede willen Henrikes vorscreven ende umme de meerre vestenisse ten tughe der waerheyt hebbe wij onse seghele mede an dessen brief ghehanghen. Ghegheven in den jaer onses Heren dusent vierhundert ende twe op sente Servaciusdach to middes Meye .
x
| Fonds | Oorkondenboek Groningen en Drenthe |
|---|---|
| Nr | 1112 |
| Olim | Naar het origineel in het rijksarchief te Groningen (Reg. 1402, no. 2), hoog 19,2, breed 29,2 cm. |
| Jaar | 1402 |
| Datumcode | Servat |
x
| Commentaar | Aan het stuk hebben drie zegels gehangen. 1. is verdwenen. 2. rond, in groene was, vertoont onder een helmteken een schuinliggend wapenschild beladen met drie bollen, 2, 1 randschrift: S. EGBERT VAN . . . GEN. 3. rond in witte was, vertoont in een tripas een wapenschild beladen met niet meer te herkennen figuren; randschrift: ROLOF VAN D. SAND. |
|---|