| Nummer:ogd1119 | Datum:1 juli 1402 | Overlevering:Editie | Vindplaats:Oorkondenboek Groningen en Drenthe, nr. 1119 |
Frederik, bisschop van Utrecht, verzoekt de drie steden Deventer, Kampen en Zwolle hem zijn in onderpand gegeven renten uit Salland nog voor een jaar af te staan, waarin deze toestemmen.
Frederic, bi der ghenaden Godes bisscop tUtrecht, maken kond allen luden, want wi van der oerloghe wille, die wi ghehad hebben van Coverden ende
tland van Drenthe, die menich jaer van onsen ghestichte vervreemt hadden gheweest, weder in te winnen ende om des onrechts ende der ghewelt
wille te wederstaen, die onse stad van Groningen ons ghedaen heeft ende noch doet an onser heerlicheit ende gherichten van Groningen ende an den
gherichte van Zeelwerden, in grote schult ende becommeringe sin gecomen ende wi noch daghelix um der last wille van Groningen zwaren cost ende
onraet hebben moeten ende want onse renthen van Zallant verbonden staen an handen onser drier hoefsteden van Zalland als Deventer, Campen ende
Zwolle voer sulc ghelt ende guet alse sy ons in onss gestichts noetzaken in betalinge der XVM oelden scilde, die Reynolt van Coverden voer die
vertichnisse van Koverden ende van Drenthe ende voer siin toeseggen, dat hi daeran mocht hebben, betaelt sin, verleecht ende uytghegheven
hebben, soe hebben wi om onser noetdrufte willen ghebeden onsen drien steden, als Deventer, Campen ende Zwolle vors., dat sij aensiende onse
vors. last, die wi ghehad hebben ende noch daghelix in onss ghestichts zaken hebben moeten, um onser ende onss ghestichts liefden willen
oversien ende overgheven willen onse renthen toe desen jare, daer wi nu inne sin, an te gripen ende ghunnen Gherbrande van den Bussche, onsen
rentmeyster in Zalland, onse renthen van Zalland te zamen te boeren alse hy te boeren plecht, in afcortinge sulx gueds, als hi ons verleecht
ende uytghedaen heeft ende noch verleggen ende uytdoen sal, daer wi des in onsen cost ende herberghen solen behoeven. Ende wi, scepen ende rade
der drier steden van Zalland, als Deventer, Campen ende Zwolle, aensiende, dat ons liefs ghenedigen heren zaken vors. also heerkomen en
gheleghen sin als vors. is, bekennen, dat wi in name onser stede overghegheven hebben ende consentiert ende gheven over ende consentieren mit
desen brieve om beden willen ons ghenedigen heren vors., want ons dunckt, dat hem ende den ghestichte des noet sy toe deser tijt, als dat
Gherbrant rentmeyster vors. een jaer lanc van desen daghe voert die alinghe renthen van Zallant also alse hy die heertoe onderghehat heeft tot
behoef ons ghenedighen heren vors. ende in afcurtinge siinre schult, die dieselve onse lieve heere hem schuldich is of
schuldich werden sol als vors. is, boeren ende beholden mach in alre manieren als wi in voertijts hem gheconsentiert hebben van IIIMVIC ende XI
olde scilde XLV placken ende V Brabants tot drien jaren te boeren ende in sulker forme als die brieve daeraf uytwisen. Ende wanneer dat vors.
jaer van desen consente ommeghecomen is, soe sal dese brief claerlike quyt, machteloes ende doet wesen behoeldelic ons teends desen vors. jaer
onser brieve ruerende van den XVM oelden scilden in hoerre macht te bliven, also doch te verstane dat daermede nyet ghebroken sal wesen dat
consent, dat wi den rentmeyster vors. van den IIIMVIcXI oelden scilden XLV placken ende V Brabants hebben beseghelt, mer dat die oec na siinre
inholtnisse ende ziinre macht bliven sal. Alle arghelist uytghesproken. In orconde des hebben wi, Frederic, bisscop tUtrecht vors., onse seghel,
ende wi, scepen ende rade der drier steden vors., onser stede seghele an desen brief doen hangen. Ghegeven int jaer ons Heren MIIIIC ende II des
iirsten daghes in Julio.
tland van Drenthe, die menich jaer van onsen ghestichte vervreemt hadden gheweest, weder in te winnen ende om des onrechts ende der ghewelt
wille te wederstaen, die onse stad van Groningen ons ghedaen heeft ende noch doet an onser heerlicheit ende gherichten van Groningen ende an den
gherichte van Zeelwerden, in grote schult ende becommeringe sin gecomen ende wi noch daghelix um der last wille van Groningen zwaren cost ende
onraet hebben moeten ende want onse renthen van Zallant verbonden staen an handen onser drier hoefsteden van Zalland als Deventer, Campen ende
Zwolle voer sulc ghelt ende guet alse sy ons in onss gestichts noetzaken in betalinge der XVM oelden scilde, die Reynolt van Coverden voer die
vertichnisse van Koverden ende van Drenthe ende voer siin toeseggen, dat hi daeran mocht hebben, betaelt sin, verleecht ende uytghegheven
hebben, soe hebben wi om onser noetdrufte willen ghebeden onsen drien steden, als Deventer, Campen ende Zwolle vors., dat sij aensiende onse
vors. last, die wi ghehad hebben ende noch daghelix in onss ghestichts zaken hebben moeten, um onser ende onss ghestichts liefden willen
oversien ende overgheven willen onse renthen toe desen jare, daer wi nu inne sin, an te gripen ende ghunnen Gherbrande van den Bussche, onsen
rentmeyster in Zalland, onse renthen van Zalland te zamen te boeren alse hy te boeren plecht, in afcortinge sulx gueds, als hi ons verleecht
ende uytghedaen heeft ende noch verleggen ende uytdoen sal, daer wi des in onsen cost ende herberghen solen behoeven. Ende wi, scepen ende rade
der drier steden van Zalland, als Deventer, Campen ende Zwolle, aensiende, dat ons liefs ghenedigen heren zaken vors. also heerkomen en
gheleghen sin als vors. is, bekennen, dat wi in name onser stede overghegheven hebben ende consentiert ende gheven over ende consentieren mit
desen brieve om beden willen ons ghenedigen heren vors., want ons dunckt, dat hem ende den ghestichte des noet sy toe deser tijt, als dat
Gherbrant rentmeyster vors. een jaer lanc van desen daghe voert die alinghe renthen van Zallant also alse hy die heertoe onderghehat heeft tot
behoef ons ghenedighen heren vors. ende in afcurtinge siinre schult, die dieselve onse lieve heere hem schuldich is of
schuldich werden sol als vors. is, boeren ende beholden mach in alre manieren als wi in voertijts hem gheconsentiert hebben van IIIMVIC ende XI
olde scilde XLV placken ende V Brabants tot drien jaren te boeren ende in sulker forme als die brieve daeraf uytwisen. Ende wanneer dat vors.
jaer van desen consente ommeghecomen is, soe sal dese brief claerlike quyt, machteloes ende doet wesen behoeldelic ons teends desen vors. jaer
onser brieve ruerende van den XVM oelden scilden in hoerre macht te bliven, also doch te verstane dat daermede nyet ghebroken sal wesen dat
consent, dat wi den rentmeyster vors. van den IIIMVIcXI oelden scilden XLV placken ende V Brabants hebben beseghelt, mer dat die oec na siinre
inholtnisse ende ziinre macht bliven sal. Alle arghelist uytghesproken. In orconde des hebben wi, Frederic, bisscop tUtrecht vors., onse seghel,
ende wi, scepen ende rade der drier steden vors., onser stede seghele an desen brief doen hangen. Ghegeven int jaer ons Heren MIIIIC ende II des
iirsten daghes in Julio.
x
| Fonds | Oorkondenboek Groningen en Drenthe |
|---|---|
| Nr | 1119 |
| Olim | Naar een afschrift in het Reg. no. 1607, fol. 107vo in het gemeentearchief te Deventer (Zie Bijl. Inv. blz. 215). |
| Jaar | 1402 |
| Datumcode | 0107 |