| Nummer:ogd1133 | Datum:27 dec. 1402 | Overlevering:Editie | Vindplaats:Oorkondenboek Groningen en Drenthe, nr. 1133 |
Reinold, hertog van Gulik en Gelre, beleent Reinold van Coevorden met een jaarlijkse rente van 100 gouden schilden uit de tol te Nijmegen.
Wy, Reynalt bi der gnaiden Gaidz hertoge van Gulich ende van Gelre ende greve van Zutphen, doin kont allen luden mit desen
apenen brieve ende bekennen, dat wy omme deuchlichs diensts willen, dien Reynaltz alderen van Covorden, onsen alderen ende sunder
lingen onsen lieven geminden broider, dien Got allen genedich sijn moit, ende dien Reynalt, onse lieve neve voirs., ons ende onsen landen noch
ducke truweliche doin sall ende mach, hebben Reynalt, onsen lieven neven voirs., ende synen erven onse manne gemaict. Ende soilen Reynalt, onsen
neven voirs., ende synen erven dairomme gheven ende betalen hondert goide alde guldene scilde van munten des keysers van Rome of des conings van
Vrancrijche, of die weerde dairvoir an anderen goiden paymente ijn onsen landen genge ende gheve, die wij Reynalt, onsen neven voirs., ende
synen erven, als he nyet en were, bewesen hebben ende bewysen the heffen ende te boiren alle jaer up onser liever Vrouwendach Lichtmissen
neestkomende na datum dis briefs yerstan of bijnnen virtijn nachten dairna onbevangen, ende also voirt alle yaire op die voirs. tijt, uyt onsen
tolle tot Nymegen van onsen tolner aldair, die Reynalt, onse neve voirs. ende syne erven van ons, van onsen erven ende nacomelingen hebben,
halden ende gebrueken soilen tot eynen rechten manlene tot eynen Zutphenschen leensrechte mit eynen ponde goidz geltz te verheergeweden , dan
Reynalt, onse neve voirs., ende syne erven ons, onsen erven ende nacomelingen mit hulden, eyden, truwen ende sculdigen dyenste verbunden soilen
sijn als manne hoeren heren sculdich sijn te doin. Ontbieden dairomme onsen tolner tot Nymegen, die nu sijn ende die hirnamails onse ende onser
erven tolnere aldair sijn soilen, dat sij Reynalt, onsen neven, ende synen erven voirs. hoerre voirs. manleen opten voirs. termijn gheven ende
hantreiken van onser wegen sonder eynigerhande gebot of bevelt hiraf van ons anders te wairden noch te wachten. Alle arghelist yn desen saiken
gentslich utgescheiden. In orkunde onss segels van onser rechter wetentheit an desen brieff gehangen. Gegeven in den jairen onss Heren dusent
vyerhondert ende drie des Goidensdages op sente Johansdach Ewangelisten apostels .
apenen brieve ende bekennen, dat wy omme deuchlichs diensts willen, dien Reynaltz alderen van Covorden, onsen alderen ende sunder
lingen onsen lieven geminden broider, dien Got allen genedich sijn moit, ende dien Reynalt, onse lieve neve voirs., ons ende onsen landen noch
ducke truweliche doin sall ende mach, hebben Reynalt, onsen lieven neven voirs., ende synen erven onse manne gemaict. Ende soilen Reynalt, onsen
neven voirs., ende synen erven dairomme gheven ende betalen hondert goide alde guldene scilde van munten des keysers van Rome of des conings van
Vrancrijche, of die weerde dairvoir an anderen goiden paymente ijn onsen landen genge ende gheve, die wij Reynalt, onsen neven voirs., ende
synen erven, als he nyet en were, bewesen hebben ende bewysen the heffen ende te boiren alle jaer up onser liever Vrouwendach Lichtmissen
neestkomende na datum dis briefs yerstan of bijnnen virtijn nachten dairna onbevangen, ende also voirt alle yaire op die voirs. tijt, uyt onsen
tolle tot Nymegen van onsen tolner aldair, die Reynalt, onse neve voirs. ende syne erven van ons, van onsen erven ende nacomelingen hebben,
halden ende gebrueken soilen tot eynen rechten manlene tot eynen Zutphenschen leensrechte mit eynen ponde goidz geltz te verheergeweden , dan
Reynalt, onse neve voirs., ende syne erven ons, onsen erven ende nacomelingen mit hulden, eyden, truwen ende sculdigen dyenste verbunden soilen
sijn als manne hoeren heren sculdich sijn te doin. Ontbieden dairomme onsen tolner tot Nymegen, die nu sijn ende die hirnamails onse ende onser
erven tolnere aldair sijn soilen, dat sij Reynalt, onsen neven, ende synen erven voirs. hoerre voirs. manleen opten voirs. termijn gheven ende
hantreiken van onser wegen sonder eynigerhande gebot of bevelt hiraf van ons anders te wairden noch te wachten. Alle arghelist yn desen saiken
gentslich utgescheiden. In orkunde onss segels van onser rechter wetentheit an desen brieff gehangen. Gegeven in den jairen onss Heren dusent
vyerhondert ende drie des Goidensdages op sente Johansdach Ewangelisten apostels .
x
| Fonds | Oorkondenboek Groningen en Drenthe |
|---|---|
| Nr | 1133 |
| Olim | Naar het origineel in het rijksarchief van Gelderland, (afd. Grafelijk archief Kuilenberg, Inv. no. 202), hoog 19,5, breed 33 cm. Ook gedrukt bij Nijhoff, Gedenkw. III, no. 262, blz. 258. |
| Jaar | 1402 |
| Datumcode | JohEva |