| Nummer:oub0065 | Datum:4. Okt. 1347 | Overlevering:Editie | Vindplaats:Ostfriesisches Urkundenbuch, I, S. 67, nr. 65 |
Zeugniss eines Vergleichs zwischen Hayko Ukana und Ulbadisna in einer Streitsache wegen einer beim Propste von Langen deponirten Summe Geldes.
Universis et singulis presencia visuris et audituris Liuardus in Emetha, Haytatus in Husum, [*] Keno Hylmerisna in Brocmania necnon Ewo Harana in Hynte[*] federa pacis et dilectionis cum noticia veritatis. Quoniam memoria hominum labilis est et sepius ad delicta, ne igitur ea, que fiunt in tempore simul labantur cum ipso, solent scriptura redegi et sigillis autenticis confirmari. Hinc est, quod nuper suborta litis questione de quadam pecunie quantitate deposita sub nobili viro et discreto domino (Iohanne)[*] preposito in Langhena[*] inter partes scilicet Hayconem Ukana parte ex una et Ulbadisna ex altera, que illarum partium dictam pecuniam habere teneatur, quapropter ut omnis materia litis et discordie silescat et torpescat, tenore presencium cupimus fore notum, quod dicte partes compositionem inierunt amicabilem in hunc modum, ut summa pecunie supradicta dimidiaretur in duas partes equales, quod sic factum exstat unanimi eorum consensu et libero, presentibus nobis ac aliis honestis viris et discretis, protestantes dominum prepositum supra Memoratum a dictis partibus fore dimissum quitum et liberum de dicte pecunie impeticione, inquietacione et vexacione ampliori. In cuius robur et testimonium sigilla nostra presentibus sunt impressa. Datum anno Domini Mo CCCo XLo septimo, ipso die et festo Francisci confessoris.
Insuper totam pecunie quantitatem esse et se extendere ad 62 marcas in argento simili testimonio confirmamus.
Insuper totam pecunie quantitatem esse et se extendere ad 62 marcas in argento simili testimonio confirmamus.
