| Nummer:oub0122 | Datum:15. Aug. 1374 | Overlevering:Editie | Vindplaats:Ostfriesisches Urkundenbuch, I, S. 105, nr. 122 |
Der Abt des Klosters Merna oder Oldenkloster bekundet die Beilegung des Zwistes mit den Klöstern Langen und Aland, und entlässt beide Klöster seines Aufsichtsrechts, das er bisher über dieselben geübt hat.
Frater Luidolpus (sic) Dei paciencia abbas ecclesie beati Iohannis ewangeliste in Merna[*] necnon prior, totusque conventus ibidem universis presencia visuris seu audituris cupimus fore notum publice per presentes, quod omnis controversia et dissencio inter nos ex una ac conventus in Langhen et Alandia[*] parte ex altera suborta finaliter est terminata et amicabiliter est sopita, quare ipsos ab omni impeticione iuris cuiuscunque spiritualis seu temporalis, si quod in ipsos habuimus vel haberemus quitos et liberos dimittimus per presentes, cum propter raritatem personarum ipsis presidere et providere non valemus, idcirco ab omni impeticione presentibus quitos publice proclamamus. In quorum omnium testimonium premissorum sigillum abbatis in Merna presentibus est appensum. Datum anno Domini Mo CCCo LXXIIIIo, ipso die assumpcionis Virginis gloriose. Insuper sigillum abbatis Floridi Orti presentibus est annexum in testimonium omnium premissorum.
