| Nummer:oub0142 | Datum:12. März 1381 | Overlevering:Editie | Vindplaats:Ostfriesisches Urkundenbuch, I, S. 119, nr. 142 |
Ein zwischen dem Kl. Langen und dem Bruder der daselbst als Nonne verstorbenen Reynsedis Hompana ausgebrochener Streit über die von der Reynsedis dem Kloster hinterlassenen reichen Mobilien und Immobilien wird durch Schiedsrichter dahin beigelegt, dass das Kloster dem Bruder der Reynsedis, Häuptling zu Borssum, das Eigenthumsrecht an den Grundstücken cedirt.
Noverint universi et singuli presentem paginam inspecturi, quod Reynsedis Hompana vidua in Borsum, moram per octo annos trahens continuam in conventu Langhena assignavit eis quatuor graminata in hamrika Borsum et pauculam eleemosinam pro victu suo; tandem veniens ad egritudinis lectum, in quo decessit, non immemor sue salutis omnia bona sua mobilia et immobilia ac se ipsam offerens Deo et beato Iacobo patrono in conventu predicto votum religionis sollempne emisit, professionem solempnem et manualem faciens in manus[*] prepositi conventus iam prefati. Quamobrem altercacio et discordia insurrexit inter conventum predictum parte ex una et Fredericum nobilem virum capitalem in Borsum fratrem dicte Reynsedis parte ex altera super bonis memoratis; tandem in hunc amicabilem et perpetuum finem hic insertum devenerunt per honestos viros fratrem Bernardum gardianum in conventu minorum in Phalerna, [*] dominum Tammonem curatum ecclesie in Borsum, Gheraldum Ulfardisna et Sibrandum Sebernisna capitalem ibidem, videlicet, quod dictus conventus propter bonum pacis et tranquillitatis deberet cedere iuri suo ad dicta bona et dimittere illa prefato Frederico de facto, licet non teneretur de iure, et reddiderunt eidem aurum, quod habent et quod superest in presenti, videlicet cingulum aureum, unum monile, duos annulos tornatiles, mitram et laminam, que vulgariter dicitur pathele[*] aureas et eciam unum annulum cum lapide, quia aurum aliud, si quod fuit, non superest, nec conventus de facto possidet. Ipse vero Fredericus dabit conventui quinquaginta marcas bone monete et sic manebit inter eos perpetua amicicia et finis omnis controversie hac[*] occasione inter eos suborte.
In quorum omnium testimonium premissorum sigilla dictorum dominorum gardiani et Tammonis presentibus sunt appensa. Datum et actum anno Domini Mo CCCo LXXXo primo, ipso die Gregorii pape.
In quorum omnium testimonium premissorum sigilla dictorum dominorum gardiani et Tammonis presentibus sunt appensa. Datum et actum anno Domini Mo CCCo LXXXo primo, ipso die Gregorii pape.
