Päpstliches Privileg für den Cisterzienser Orden.

Clemens episcopus servus servorum Dei dilectis filiis sancte Genovefe Parisiensis et sancti Clementis Mettensis ac sancti Pauli Bisuntinensis monasteriorum abbatibus salutem et apostolicam benedictionem. Militanti ecclesie disponente Domino presidentes circa curam ecclesiarum et monasteriorum omnium solercia reddimur indefessa soliciti, ut earum[*] occurramus dispendiis, et utilitatibus divina cooperante clementia salubriter intendamus.[*] Sane dilectorum filiorum abbatis Cisterciensis ad Romanam ecclesiam nullo medio pertinentis, Cabilonensis dyocesis ac abbatum et dilectarum filiarum[*] abbatissarum monasteriorum ordinis Cisterciensis ac eorundem monasteriorum conventualium[*] conquestione percepimus, [*] quod nonnulli archiepiscopi et episcopi, abbates, priores et[*] alii ecclesiarum prelati et clerici ac ecclesiastice persone tam religiose quam etiam seculares necnon duces, marchiones, comites, barones, milites, nobiles et laici, communia civitatum, universitates opidorum, castrorum, villarum et aliorum locorum et[*] alie singulares persone civitatum et diocesum[*] ac partium diversarum, in quibus dicta monasteria ac[*] alia loca et membra eisdem monasteriis subiecta consistere dinoscuntur, occuparunt et occupari fece-runt castra, villas et alia loca, domos, ecclesias, grangias, [*] molendina, decimas, obediencias, casalia, terras, vineas, possessiones, census, redditus et proventus, iurisdictiones et iura ac nonnulla bona mobilia et immobilia ad dicta monasteria et huiusmodi alia membra eorum spectantia, et ea detinent indebite occupata, seu[*] detinentibus prestant consilium, auxilium et favorem. Nonnulli etiam civitatum et dyocesum[*] ac partium predictarum, qui nomen Domini in vacuum recipere non formidant, dictis abbatibus, abbatissis et conventibus super predictis castris, villis et locis, ecclesiis, grangiis, molendinis, decimis, casalibus, castris, terris, iurisdictionibus, possessionibus, censibus, iuribus, bonis et rebus aliis ad monasteria et membra predicta spectantibus multiplices molestias ac iniurias inferunt et iacturas. Quare pro parte dictorum abbatum, abbatissarum et conventuum nobis extitit[*] humilliter supplicatum, ut cum valde reddatur difficile eisdem pro singulis querelis ad apostolicam sedem habere recursum, providere eis super hoc paterna diligentia curaremus. Nos[*] igitur consideratione venerabilis fratris nostri Guillelmi episcopi Tusculanensis et carissimi in Christo filii nostri Iohannis regis Francie illustris nobis super hoc humiliter supplicantium adversus occupatores, detentores, presumtores, molestatores et iniuriatores huiusmodi illo volentes eisdem abbatibus, abbatissis et conventibus remedio subvenire, per quod illorum compescatur temeritas et aliis aditus committendi similia precludatur, discretieni vestre[*] per apostolica scripta mandamus, quatenus vos vel duo aut unus vestrum per vos vel anum seu alios, etiam, si sint, extra loca in quibus deputati estis conservatores et[*] iudices, abbatibus, abbatissis et conventibus supradictis efficacis defensionis presidio assistentes non permittatis, eosdem super premissis et quibuslibet aliis bonis et iuribus ad ipsos communiter vel divisim spectantibus, ab eisdem et quibuscunque[*] aliis indebite molestari seu eis gravamina, dampna, vel iniurias irrogari, facturi[*] ipsis, cum ab eis vel eorum aliquibus seu procuratore vel procuratoribus eorundem vel aliquorum ipsorum fueritis requisiti, de predictis et aliis personis quibuslibet super restitutione ecclesiarum, grangiarum, castrorum, casalium, terrarum, possessionum, iuris-dictionum, iurium et bonorum mobilium et immobilium, reddituum quoque et proventuum ac aliorum quorumcunque bonorum, necnon de quibuslibet iniuriis, molestiis, atque dampnis presentibus et futuris in personis et rebus ipsorum illatis eisdem, in illis videlicet que iudicialem requirunt indaginem, summarie; simpliciter et de plano sine strepitu et figura iudicii, in aliis vero prout qualitas eorum exegerit, iusticie complementum; occupatores seu detentores, molestatores, presumtores et iniuriatores huiusmodi necnon contradictores quoslibet et rebelles cuiuscunque status, gradus, ordinis vel condicionis, etiamsi archiepiscopalis vel episcopalis dignitatis extiterint, quandocunque et quociescunque expedierit auctoritate nostra per censuram ecclesiasticam appellatione postposita compescendo, invocato ad hoc, si opus fuerit, auxilio brachii secularis. Non obstantibus tam felicis recordationis Bonifacii pape VIII. predecessoris nostri, in quibus cavetur, ne aliquis extra suam civitatem vel[*] dyocesim nisi in certis exceptis casibus et in illis ultra unam dietam a fine sue dyocesis ad iudicium evocetur; seu ne iudices et conservatores a sede deputati predicta extra civitatem et dyocesim in quibus deputati fuerint contra quoscunque procedere sive alii vel aliis vices suas committere aut aliquos ultra unam dietam a fine dyocesis eorundem trahere presumant; seu quod de aliis quam de[*] manifestis iniuriis et violenciis et[*] aliis, que iudicialem indaginem exigunt, penis in eos si secus egerint et id[*] procurantes adiectis, conservatores se nullatenus intromittant et tam de duabus dietis[*] in concilio generali dummodo ultra terciam vel quartam aliquis extra suam civitatem vel dyocesim auctoritate presentium ad iudicium non trahatur, quam aliis quibuscunque constitutionibus a predecessoribus nostris Romanis pontificibus tam de iudicibus delegatis et conservatoribus, quam personis ultra certum numerum ad iudicium non vocandis et aliis editis, que vestre[*] possent in hac parte iurisdictioni aut potestati eiusque libero exercitio quomodolibet obviare, seu si aliquibus communiter vel divisim a prefata sit[*] sede indultam, quod excommunicari, suspendi vel interdici seu extra vel ultra, certa loca ad iudicium evocari non possint per literas apostolicas non facientes plenam et expressam ac de verbo[*] ad verbum de indulto huiusmodi et eorum personis, locis, ordinibus et nominibus propriis mentionem et qualibet alia dicte sedis indulgencia generali vel speciali cuiuscunque tenoris existat, per quam presentibus non expressam vel totaliter non insertam vestre[*] iurisdictionis explicatio in hac parte valeat quomodolibet impediri et de qua cuiusque toto tenore de verbo ad verbum in nostris litteris habenda sit[*] mencio specialis. Ceterum volumus et apostolica auctoritate decernimus, quod presentes littere per concedentis obitum non exspirent et quod quilibet vestrum[*] prosequi valeat articulum etiam per alium inchoatum, quamvis idem inchoans nullo fuerit impedimento canonico prepeditus. Quodque a dato[*] presentium sit[*] vobis[*] et unicuique vestrum in premissis omnibus et eorum singulis ceptis et non ceptis presentibus et futuris perpetua potestas et iurisdictio attributa, ut eo vigore, eaque firmitate possitis in premissis omnibus et singulis ceptis et non ceptis presentibus et futuris et pro predictis procedere acsi predicta omnia et singula coram vobis[*] cepta faissent et iurisdictio vestra et cuiuslibet vestrum in predictis omnibus et singulis per inchoationem[*] vel modum aliu mperpetuata legitime[*] extitisset, constitutione predicta super conservatoribus et alia qualibet in contrarium edita non obstante.
Datum Avinione II. Nonas Februarias, pontificatus nostri anno nono.

x

x

Fonds	Ostfriesisches Urkundenbuch, I
Fol.nr.	S. 122
Nr	145
Inventaris
Jaar	1351
Datumcode	2NonFeb

x

x

Materiaal	papier