| Nummer:oub0243 | Datum:Den Haag, 5. Sept. 1414 | Overlevering:Editie | Vindplaats:Ostfriesisches Urkundenbuch, I, S. 200, nr. 243 |
Herzog Wilhelm von Baiern gewährt dem Keno tom Brok Frieden.
Willem etc. doen cont allen luden, dat wy voir ons, onsen landen, luden, ondersaten gegeven hebben ende gheven mit desen brieve Kenen hoefdelingen te Broeck ende to Auwericken, sinen landen, luden ende ondersaten enen goiden vasten ouden vreden, ingaende op ten datum dez briefs, ende duerende van Alreheiligen dach naistcomende een jaer lanc; ende om dat wy desen voirscreven vrede vast, stade ende onverbroken houden willen, ende van onser landen, luden ende ondersaten gehouden willen hebben, so hebben wy desen brieve etc. Gegeven in den Haghe op ten vyften dach in Septembri anno M CCCC ende XIIII.
