| Nummer:oub0257 | Datum:10. April 1418 | Overlevering:Editie | Vindplaats:Ostfriesisches Urkundenbuch, I, S. 216, nr. 257 |
Die neu konfirmirten Privilegien der Emder Bürger für den Handel und die Industrie.
Uth olden auoctenticen scriften hebben wy der stadt Embden privilegien bevuonden, de in den jare na Cristi gebuert dusent vierhuondert unde achteyn bevestiget und approbeert, oick lange voer de tidt gewest und geholden synt alss volget.
Voer eirst, dat gheen frembt koepman ader gast hir sal laken vorkoepen anders dan by heelen und halven stucken, by theyn marck to broke.
Soe sal gheen vrembt kremer syne kremerie ader velinge uthleggen to vorkopen dan in de marckede by der kremerie tho broeke.
Item die frembde koepman sal gheen roetlasschen vorkopen dan by heelen und halven huonderden, by de vorste broke.
Item eth soelen ghene frembde kremer by hues lanck ummeghaen myt oeren mersen und oer kremerie vorkoepen dan in die markede, behalven in de lande waer ghene markede synnen, daer moegen sie utleggen ghelick ander unse kremer, und anders nicht, by oer merse tho broeke.
Oick soelen ghene frembde ader gaste huyde koepen dan by heelen und halven dekeren, woe vorscreven.
Item oick soelen frembde luyde gheen holt vorkoepen dan by heelen und halven huonderden, by vorgemelter pena.
Item ghene frembden soelen sypele noch appele ader dergeliken waher weyniger dan by heele tuonnen vorkoepen.
Item die frembden soelen ghene trippen, slossen ader meste vorkoepen dan by gulden weerdt.
Item ghene frembden soelen buten markede noch potte, pannen, kannen ader dergeliken vorkopen, anders dan by guolden weerdt, ader dergeliken waher oft guoedt dat den kremeren angeyt, by pena, und broeke vorscreven.
Item begeerde enich koepman oft kremer uth anderen frembden landen hir in Embden tho woenende, die tidt sal nicht myn dass 3 jaer lanck wesen, schat und schuolt to geven und tho doene gelijck ander borgere und undersaten schuoldich, und soelen daer borge voer stelhen, daer de overycheit an benoeget.
Dese puoncten und articulen synt int jaer vuorscreven 1418 upten sondach Misericordia Domini vornyet und vorkuondiget.
Voer eirst, dat gheen frembt koepman ader gast hir sal laken vorkoepen anders dan by heelen und halven stucken, by theyn marck to broke.
Soe sal gheen vrembt kremer syne kremerie ader velinge uthleggen to vorkopen dan in de marckede by der kremerie tho broeke.
Item die frembde koepman sal gheen roetlasschen vorkopen dan by heelen und halven huonderden, by de vorste broke.
Item eth soelen ghene frembde kremer by hues lanck ummeghaen myt oeren mersen und oer kremerie vorkoepen dan in die markede, behalven in de lande waer ghene markede synnen, daer moegen sie utleggen ghelick ander unse kremer, und anders nicht, by oer merse tho broeke.
Oick soelen ghene frembde ader gaste huyde koepen dan by heelen und halven dekeren, woe vorscreven.
Item oick soelen frembde luyde gheen holt vorkoepen dan by heelen und halven huonderden, by vorgemelter pena.
Item ghene frembden soelen sypele noch appele ader dergeliken waher weyniger dan by heele tuonnen vorkoepen.
Item die frembden soelen ghene trippen, slossen ader meste vorkoepen dan by gulden weerdt.
Item ghene frembden soelen buten markede noch potte, pannen, kannen ader dergeliken vorkopen, anders dan by guolden weerdt, ader dergeliken waher oft guoedt dat den kremeren angeyt, by pena, und broeke vorscreven.
Item begeerde enich koepman oft kremer uth anderen frembden landen hir in Embden tho woenende, die tidt sal nicht myn dass 3 jaer lanck wesen, schat und schuolt to geven und tho doene gelijck ander borgere und undersaten schuoldich, und soelen daer borge voer stelhen, daer de overycheit an benoeget.
Dese puoncten und articulen synt int jaer vuorscreven 1418 upten sondach Misericordia Domini vornyet und vorkuondiget.
x
| Fonds | Ostfriesisches Urkundenbuch, I |
|---|---|
| Fol.nr. | S. 216 |
| Nr | 257 |
| Olim | Niederschrift aus dem Anfang des 16. Jahrhunderts im Stadtbuch auf Pergament im Rathsarchive zu Emden. Gedruckt von Loesing, Gesch. der Stadt Emden S. 31, und von Pannenborg in dem Jahrbuch für bild. Kunst etc. zu Emden, 1875, S. 102. |
| Jaar | 1418 |
| Datumcode | MisDom |