| Nummer:oub0259 | Datum:17. Juli 1418 | Overlevering:Editie | Vindplaats:Ostfriesisches Urkundenbuch, I, S. 217, nr. 259 |
Folkard Sickana und seine Frau Ya zu Loquard verkaufen dem Kloster Langen 4 Grase Landes aus den Erbgütern der Ya, dem Aytekenaheerd.
Universis Christi fidelibus presencia visuris, lecturis seu audituris ego Folkardus Sickana in Loquard parrochianus facio in hiis scriptis manifestum, quod cum consensu Ye uxoris mee vendidi et hiis presentibus vendo conventualibus in Langen ordinis Premonstratensis quatuor graminata terre uxori mee prehabite iure hereditario de Aytekenaherd[*] advoluto, infra predia dictorum conventualium situata, cum aggeribus ipsis prediis pertinentibus prefatis pro quadam pecunie summa nobis ad nutum nostrum a dictis conventualibus integraliter persoluta; dantes quam ob rem dictis conventualibus plenam potestatem dicta predia colendi permutandi, inpignorandi ceteraque faciendi, quemadmodum eisdem conventualibus et eorum successoribus universis visum fuerit expedire in premissis. In testimonium omnium premissorum sigillum domini Ythari mei curati ad rogatum nostrorum presentibus est appensum. Et ego Ytharus antedictus, quoniam premissis omnibus et singulis dum fierent ut premittitur presens interfui, ideoque ad peticionem dictorum coniugum sigillum meum presentibus est appensum (sic). Datum anno Domini Mo CCCCo XVIIIo, ipso die Alexii confessoris.
