| Nummer:oub0295 | Datum:11. Juni 1421 | Overlevering:Editie | Vindplaats:Ostfriesisches Urkundenbuch, I, S. 254, nr. 295 |
Die Mieter mehrerer Westfriesischen Landestheile bitten den Herzog von Baiern um Schutz gegen Ocko tom Brok
Hoechgheboren furste ende here hertoghe Johan in Beyeren, zone van Hollant, Henegouwen, Zeelant, ende here van Freeslant enz., onse leve ghenadighe herre ende guede vrent.
Salutacionem. Onderdanicheit ende liefte voergruete ghescreven. Hoechgheboren furste ende leve ghenadighe here, u ghenoghet the weten, dat wy waerachtighe tydinghe hebben, alz ut Groninghe ende Kenesmalant, dat Ocke van den Broke mit synre hulpere alz Groninghers ende dat stichte van Utrecht vergaderen ende menen onder den daghe, den ghi mit uwer ghenade radeslude solden holden mit de van Groninghen, Sebet, Ocken, ende by namen Focken Ukinghe ons Dockum menen off tho wynnen alz mit verraderye, als ons openbaert is. Ende se trecken de meente in onsen lande mit hoer. sote woerde in breve ghescreven, in elken de se tho sich trecken, van welken breve wy enen byseghelden breef mit der stad van Groninghe secreet byseghelt hebben ghesant her Florys[*] ende hebben hem ghebeden, dat hi dat uwer ghenaden wolde scriven ende hoer loesheit moghen merken. Waerumme, leve ghenadighe here, wy begheren vruntlyke van u, alzo veer als ghi u lande byschermen ende verwaren willen des sonder anghest nu is tho doen, dat ghi ons onder dach ende nacht tho hulpe komen, ende dat Hindeloep ende Molkweer[*] bywaert worde of dat de veste neder kome, wy oek so willen wy allen den doet liden, eer dat wy onsen eet willen breken. Hier mede, leve ghenadighe here, so weset Goede byvolen, ende painet hieran al onser orber, ende bygheren u goetlyke antwort sonder trec. Ghescreven onder onse Oostergo seghel, des wondesdaghes na sinte Bonifacius.
Greetmans, rechters ende mederechters van Lewairde, Ferwerder, Dongher, Dontema en een vierendeel van Thietzarker, Edawerder dele, [*] u ondersate.
Salutacionem. Onderdanicheit ende liefte voergruete ghescreven. Hoechgheboren furste ende leve ghenadighe here, u ghenoghet the weten, dat wy waerachtighe tydinghe hebben, alz ut Groninghe ende Kenesmalant, dat Ocke van den Broke mit synre hulpere alz Groninghers ende dat stichte van Utrecht vergaderen ende menen onder den daghe, den ghi mit uwer ghenade radeslude solden holden mit de van Groninghen, Sebet, Ocken, ende by namen Focken Ukinghe ons Dockum menen off tho wynnen alz mit verraderye, als ons openbaert is. Ende se trecken de meente in onsen lande mit hoer. sote woerde in breve ghescreven, in elken de se tho sich trecken, van welken breve wy enen byseghelden breef mit der stad van Groninghe secreet byseghelt hebben ghesant her Florys[*] ende hebben hem ghebeden, dat hi dat uwer ghenaden wolde scriven ende hoer loesheit moghen merken. Waerumme, leve ghenadighe here, wy begheren vruntlyke van u, alzo veer als ghi u lande byschermen ende verwaren willen des sonder anghest nu is tho doen, dat ghi ons onder dach ende nacht tho hulpe komen, ende dat Hindeloep ende Molkweer[*] bywaert worde of dat de veste neder kome, wy oek so willen wy allen den doet liden, eer dat wy onsen eet willen breken. Hier mede, leve ghenadighe here, so weset Goede byvolen, ende painet hieran al onser orber, ende bygheren u goetlyke antwort sonder trec. Ghescreven onder onse Oostergo seghel, des wondesdaghes na sinte Bonifacius.
Greetmans, rechters ende mederechters van Lewairde, Ferwerder, Dongher, Dontema en een vierendeel van Thietzarker, Edawerder dele, [*] u ondersate.
