| Nummer:oub0302a | Datum:1. Febr. 1422 | Overlevering:Editie | Vindplaats:Ostfriesisches Urkundenbuch, I, S. 268, nr. 302 |
Focko Ukena, an der Spitze vieler anderer Vetkoper, und eine grosse Anzahl Schiringer treten dem Vertrage vom 1. Februar 1422 (oub0301) bei.
Wy Focko Ukama hoeftlynck tho Lyer, Enno Ydzards van Norden, Imele to Grymersum, Dodo Kenisma, Wybet van Steghesdorp, Ocko to Loechart, Hayo toe Westerwolde, Menno ter Munten, Hayo Ripperde, Omeke ten Dam-me, Abeke Onsta, Menolt Onsta, Abele Tammynge, Eyleke Eysinge, Hydde Onsta, Reynold Hughinge, Bruen Clynge, Hernic ter Bruggen, Dytmar Renghers, Henric Beyer, Wybrand Klant, Ocko Klant, Johan Hughinge, Heer Peter von Wycla, Abbe Heemstra, Saspet Synada, Jarich to Mynslavere, Yweke Aylewa, Broder to Aylsem, Lyuwe Dycsater, Bocke Dodynga, Bocke Hawada, Thyaert Tadynge, Henne Thyase, Foppe Bottynge, Junge Fecke, Take Kammynge, Peter Kammynge, Popeke Feddama, Selteke Wiggama, Ellik Herynghe, Junghe Azeghe, Johan Tzalynck, Wybe Hottynge, Foppe Thyaerde, Gozen Ockynga, Sywert Heynema, Lyubbe to der Smalebrugge, an de ene zyde, ende Sycke Syarda hoeftlynek to Franeker, Wybrand Hermana, Thyaert Junghe, Agghe Herynxsma, Ippe Herynxsma, Syric Herinxsma Douwe Herynxsma, Humme Hummingha, Hebele Edema, Broder Bunnyngha, Tett in Humerse, Laus Rotmersma, Wolteke Dekama Sye Syarsma, Humme Oedsma, Rewert Onnema, Ade Junghema, Syward Wyarda, Onno Wyarda, Feddeke Unynghe, Wyeke Onnema, Take Azeghama, Jarich Mertena, Popeke Thyernse, Hoyte to Mare, Hynteke Tadynghe, Syeke Feyxsma, Willeke Rewerda, Gherbet Kammynghe, Syppe Nyttynghe, Ryppert Rypperde, Meynold Ubbynghe, Syric Mellama, Focko Roberde, Saspet Foldeghum, Douwe Sywexsma, Yweke Wybalda, Azeghe to Borndahusen, Alteke Herywesma, Lyuwe Ottema, Hessel op der Ghaest, Sydze op der Ghaest, Ywe op der Ghaest, Reneke op der Ghaest, ende Feyge Eysinghe van der ander zyde, doen kundich allen luden, de dessen openen brief zullen zien of horen lezen, zaementlike ende elck ven van ons allen, als wy voer gheschreven zint, besunderghen, dat wy umme eendrachticheyt, nutticheyt ende salicheyt des ghemenen Vrieslandes, van der Zudersee to der Wezere hebben gheloeft, ghezekert ende ghe zworen, lyflike in den heylghen myt upgherichten vynheren, ghestavedes eedes ende in rechter eedstaet, dat wy ende onse erfghenamen ende nakomelynghe zamentlike ende eendraehtelike sullen ende willen holden in rechter kerstenen truwen ende gheloven myt vlyte ende na ah onser macht, in ewigher standicheyt ende vuller macht selven datum, alse desses jeghenwordighes briefs datum holt ende ghegheven is, myt ah den articulen ende punten, ende een jewelik punct be sunderghen, als de zonebrief inne holt, den de eersame vrome vermoghende wise lude als jun cher Ocko van den Broecke, Awerke ende Emeden, hoeftlynck in Oestfriesland, Sybeth hoeftlynck in Ruestryngen, borghermesteren, raed ende ghemene meente der stad van Gronyngen, prelaten, hoeftlynge, rechters ende ghemene meente van Hunseghe, Fywelghe, Fredewold, Langewold ende Hummerke landen ende de eerbere prelaten, abten, provesten, commelduren, schepenen, greetmans, hoeftlynge, rechters ende ghemene meente van Oestergo ende Westergo landen, der steden, conventen, ommelanden ende eylanden an der Westerzide der Lauwerzen gheleghen malc anderen ghelovet, bebrievet end beseghelt hebben to holden in guden gheloven tot ewigen daghen; ende also willen wy alle ghader voerg. myt hulpe des almechtighen oversten heren deselve zone ende zonebrieve myt onsen erfghenamen ende nakomelyngen holden ende vullenbrengen na al onser macht tot ewighen tokomenden tyden sunder alle nye vonde ende al arghelist. In orkunde ende bekennisse der waerheit desser vorscr. articulen ende al der articulen ende punten ende elck punct besunderghen, de die voerghenoemde zonebrief inholdent is, zoe hebben wy Focko Ukama, Enno Ydzards ende anders alle ghader, als wy voer in dezen brieve gheschreven staen elck by zinen namen, ghemeenlike ende elkerlyc besunderghen onse seghele an dezen brief ghehangen, ende weert oeck zake, dat hyr an dessen brieve een of twe seghele myn ofte meer ontbrekt van den ghenen, de vorscr. zint, daer van zal desse brief ende de zonebrief, daer desse brief van spreket, al effen wal in ziner vuller macht wesen ende blyven tot ewighen daghen, sunder alle arghelist ende nije vonde in jenigher maneren. Ghegeven in den jaer na der gheboert onss Heren duzent vierhundert twe ende twyntich, in unser lieven Vrouwen avende purificationis, de gheheyten is to lichtmissen.
