| Nummer:oub0309 | Datum:Dokkum, 2. Juni 1422 | Overlevering:Editie | Vindplaats:Ostfriesisches Urkundenbuch, I, S. 275, nr. 309 |
Eine Reihe Westfriesischer Häuptlinge versprechen, von nun an die Vitalienbrüder in keiner Weise zu begünstigen.
Wy Hespel van der Ghest, Sydze van der Ghest, Ywe van der Gliest, Syward Wyarde, Onno Wyarde, Poppepe Syrentsim, Alteke Browesna, Douwe Suesina, Ficke Fryoma, Rewert Onnoma, Sippe Nyttingh[*] makele kund allen luden mit dessem openen breve, dat wy hebben gheloved, ghesekerd, ghesworen mit liifliken vinghern in den hilghen vor uns unde unse erven, gheboren unde ungheboren den erbaren sendeboden, also her Tydemann Steen unde hern Ladewighe Crulle van Lubeke unde her Hinrik Papendorpe unde her Merten Swartekoppe van Hamborch te behoff erer twyger stede vorscreven, dar ze nu to der tiid vore hir synt in der reyse unde den menen hensesteden, dat wy na desseme daghe na datum desses breves to nenen tyden entholden schullen noch. laten entholden in unsen hoven, husen unde sloten edder ghebede de Vyttallyenbroders noch andere rovers, de den copman beschedighen. Unde oh so love wy vorscrevenen de Vittallyenbroders noch andere rovere nicht to beschermende noch to vordeghedinghende, men se to vorvolgende, alse men sodanne misdeders schuldicb ys to donde, se to vordervende unde ute dem lande drivende na alle unser macht. Unde loven mede an desseme breve, dat wy alle coplude sollen vordern unde vordeghedinghen na alle unser macht sunder alle arghelist. Hiir hebben an unde over wesen deghedingeslude Vock -Ukena[*] hoftlingh van Lere, Wybet van Steghesdorpe, Dytmer Reyners, Hinrik Beyers, Otte Caland, borghermester unde radman von Grunynghe unde Ocke van Locwerde.[*] Des to orkunde so hebbe wy Hespel van der Ghest, Sydze van der Ghest, Iwe van der Ghest, Syward Wyarda, Onno Wyarda, Poppeke Tzyrensim, Alteke Brouwesma, Douwe Suesma, Sycke Fryxma, Rewerd Onnoma, Sippe Nittyngh alle mit wilen unse rechten yngheseghele ghehenghed laten nedden an dessen breff. Int dat jare unses Heren dusent veerhundert in deme twe unde twintighesten jare, des dinxedages in den Pinxsten, to Dockem ghescreven.
