| Nummer:oub0347 | Datum:25. April 1427 | Overlevering:Editie | Vindplaats:Ostfriesisches Urkundenbuch, I, S. 312, nr. 347 |
Ocko tom Brok befreit die Groninger tind die Umlande von dem Viehzoll zu Aurich.
lk Ocko to Broke, Awreke unde Emeden, etc. hovetling in Oestvresland enkenne openbaer voir allesweme in dussen openen breve, dat ik umme leve unde vruntschopp, de my de erbaren borghemesteren unde raed, ghemene meente der stad van Groninghen unde de Ummelanden dar by beseten, hebben ghedaen unde noch in tokomenden tyden doen moghen, hebbe vryg unde qwyd gheschulden alsodannes tollens, alse zee pleghen to gevende to Awreke van ossen unde koen, to ewijghen daghen, my offte mynen erffghenamen dar nimmer umme to sprekende, offte jemant van myner weghen, unde dar mede wil ik den vorscr. borghemesteren, rade unde ghemenen meente vorscr. truweliken bystandich wesen myd mynen lyve unde gude, war unde wanneer en des noet is. Unde hebbe to tughe myn ingheseghel hanghen heten an dessen breff; de ghegheven is in dem jaer unses Heeren dusent veerhundert seven unde twintich, up sancte Marcus dach, des hillighen ewangelisten.
