| Nummer:oub0855a | Datum:Horstmar, 14. Okt. 1467 | Overlevering:Editie | Vindplaats:Ostfriesisches Urkundenbuch, I, S. 742, nr. 855 |
Der Propst und Pfarrer von Weener und der Propst der halben Propstei zu Hatzum, Vikar des S. Marien- und S. Sebastiansaltars in der S. Georgskirche zu Weener, bekunden, dass der Bischof von Münster die Propstei Weener und die halbe Propstei Hatzum der genannten Kirche und die andere halbe Propstei Hatzum dem genannten Altar daselbst inkorporirt habe.
Hinricus de Swartzenborgh, electus et confirmatus Monasteriensis, sandte Bremensis ecclesie administrator, universis et singulis Christi fidelibus huiusmodi nostras litteras visuris et audituris pateat evidenter, presertim abbatibus, prepositis, curatis, vicariis, divinorumque rectoribus terre Frisie Reydensis, Weneris et Hatzum, nostre Monasteriensis diocesis in Christo nobis dilectis, salutem in Domino sempiternam. Volentes sedula sollicitudine subiectorum quieti et saluti providere, occasionem futurorum malorum, litium anfractus, quantum nobis possibile fuerit, amputare, inopie et calamitatibus beneficiorum et vicariarum parrochialis ecclesie Wenerensis alias fundatorum subvenire, devoti nostri dilecti Nomnonis Volperti de Wynschotten, prepositi et curati in Weneris, dicte nostre diocesis, subnixis precibus honestis et racioni consonis inclinati, ne eciam dicte prepositure in Weneris et Hatzum ad collacionem, provisionem seu aliam quamcumque disposicionem nostras, quociens eas vacare contigerit, pleno iure pertinentes de cetero per nostram seu successorum nostrorum inconsultam collacionem ad manus laycorum importune petencium proveniant, sicuti dicta prepositura in Hatzum ex frivola et -iniqua dessuetudine aliquando dinoscitur fuisse, affectantes ergo condicionem dicte ecclesie parrochialis sancti Georgii in Weneris facere meliorem, ut cultus divinus ibi augeatur, dictam preposituram in Weneris, que semper a tempore, quo primum deputata, ordinata et fundata fuit, per curatum in Weneris est gubernata, dictis ex causis et nonnullis aliis coram nobis productis, animum nostrum ad hoc moventibus, una cum media prepositura de Hatzum nobis propter mutuam vicinitatem, loci sui desolacionem, domicilii carenciam, et difficillimam residenciam per dominum Gerardum Beryer, vicarium in Weneris, libere resignata, cum omnibus suis iuribus, redditibus, proventibus et obvencionibus universis dicte ecclesie sancti Georgii in Weneris unimus vel incorporamus, unitas et incorporatas perpetuis temporibus decernimus et declaramus. Quam quidem mediam cum integra prepositura curatus in Weneris pro tempore regere et gubernare poterit, redditus prediorum et fructus eiusdem medie prepositure salvo fundo principali in usus necessarios ecclesie et ornatus convertere, vel vicarie, si de novo aliqua erecta fuerit, distribuere. Reliquam vero mediam preposituram in Hatzum cum omnibus suis iuribus, redditibus, proventibus et obvencionibus vicarie altaris gloriose virginis Marie necnon Sebastiani martiris, quondam per honorabilem virum Alricum, presbiterum et prepositum in Hatzum, fundate et dotate, dictis eciam ex causis, et ut vicarius eiusdem vicarie eo devocius Deo servire et sustentari valeat, perpetue incorporamus, transferimus, annectimus et unimus. Quas quidem incorporaciones et uniones dictarum prepositurarum ecclesiam et vicariam predictas volumus esse firmas, ratas et stabiles perpetuis temporibus duraturas. Ita tamen, quod quandocunque et quocienscunque dictam parrochialem ecclesiam in Weneris vel vicariam prenominatam per mortem seu alias quamvis resignacionem vel dimissionem eorundem rectorum vacare contigerit, tunc, qui ad ecclesiam vel vicariam memoratas per patronos earundem, qui ibi ius patronatus antiquitus dinoscuntur habere et habuerunt, nobis seu successoribus nostris fuerit legitime presentatus, petens humiliter nostram vel successorum nostrorum graciam, collacionem, provisionem, investituram et institucionem, tunc illis aut illi per nos vel nostros successores graciose tam de investitura, quam de dictis preposituris ecclesie vel vicarie incorporatis providebitur et non alteri, receptis prius ab eis sic presentatis obedientie et fidelitatis iuramentis prestandi et faciendi debitis et consuetis, reservatis eciam nobis et successoribus nostris certarum pecuniarum pensionibus, nobis de dictis preposituris, cum vacaverint, solvendis; videlicet dc curato in Weneris, quociens parrochialem ecclesiam in Weneris quovismodo vacare contigerit, pensione centum florenorum Renensium monete electorum imperii, et de vicario dicti altaris beate Marie et sancti Sebastiani, quociens illud cum media prepositura in Hatzum quovismodo vacare contigerit, pensione quinquaginta florenorum Renensium eiusdem monete vel eorum vero valore in signum vere subiectionis solvendis. Ita quod quociens ecclesia vel vicaria antedicta per mortem, resignacionem vel dimissionem aut alias quovismodo vacaverit, novus curatus vel vicarius ad statim presentabit se nobis aut successoribus nostris solvendam pensionem suam antedictam, necnon novas litteras super preposituris recipiendo et iuramenta solita, consueta et oportuna super ipsis preposituris prestando, salvis eciam nobis et officiali nostro et alteri cuicunque iuribus, pensionibus, redditibus, obvencionibus et procuracionibus ex eisdem preposituris debitis, consuetis et oportunis, quandocumque et quocienscumque quomodolibet ad nos fuerint devolute. Insuper volumus et tenore presencium protestamur, quod in casum et eventum, quo novus curatus vel vicarius dictam pensionem solvere recusaverit, vel ultra duos menses, postquam ad ecclesiam vel vicariam fuerit presentatus, protraxerit, extunc per presentes decernimus et declaramus prefatam incorporacionem pro illo, qui rebellis aut negligens repertus fuerit, factam, minime valere ac omnibus viribus, robore et firmitate carere. In cuius rei evidens testimonium presentes nostras litteras desuper fieri, sigilli quoque nostri appensione fecimus communiri. Datum in castro nostro Horstmar, anno Domini millesimo quadringentesimo sexagesimo septimo, ipso die Calisti pape et martiris.
