| Nummer:oub0884 | Datum:24. März 1470 | Overlevering:Editie | Vindplaats:Ostfriesisches Urkundenbuch, I, S. 763, nr. 884 |
Bürgermeister und Rath von Bremen versöhnen sich mit Sirk, Häuptling zur Friedeburg, und versprechen ihm 600 Postulatsgulden in 2 Terminen zu zahlen.
Wy borghermeistere unde radmanne der stad Bremen bekennen unde betughen opembare in desseme breve vor uns unde unse nakomelinghe radeskumpane, so als de ersame unde vorsichtige man Sirik, hovetling tor Vredeborch unde Repesolte, unde wy schelhaftich unde twistandich sind ghewesen, darynne he unde wy nu entliken unde gans to grunde sind vorsoenet unde vorscheden in desser wise, dat wy scholen unde willen deme genanten Sirike vor alle ansprake gheven unde vornoghen seshundert Postulatenguldene to twen terminen, in mathe de ersamen mester Albert Krivits to Repesolte unde her Johan Grove to sunte Martene bynnen Bremen, kercheren, dat twischen uns beiden vulmechtich vorarbeidet unde deghedinget hebben; de helfte des gheldes, alz dreehundert Postulatenguldene, scholen unde willen wy Siriken erben. na to Pinxsten erstkomende[*] nae datum desses breves, unde de anderen helfte to sunte Martensdage dar denne negestvolghende[*] sunder lengher hinder unde vortoch tho deme Steendamme edder to Godensen, dar uns dat denne bequemest is, wol betalen, doch achte daghe edder verteynacht voer ofte nae dessen erben. termynen hirynne unschedelyk. Des to tuge hebbe wy borgermeistere unde radmannen erben. vor uns unde unse nakomelinge radeskumpane unnser stad secretum to desseme breve heten hanghen. Nae Godes bord verteynhundert yar, darnae in deme seventigesten jare, ame hilgen avende unnser leven Vrouwen annunciacionis.
