Der Komthur von Abbingweer tauscht mit Atteko Goukena zu Loppersum Grundstücke aus.

Wytlick, kundich unde apenbar se allen goden luden beide gheistlick unde wartlick, de dussen bref sen, lesen ofte lesen horen, wo dat ik her Aida, [*] kummeldur to Abbyngwer, myt eyndracht unde volbort brodere unde sustere mynes caventes, hebbe ghebutet myt Atteko Goukena, [*] wanachtich to Lopsum, myt land also hyrna bescreven steyt in dussen jeghenwerdyghen breve. Item ik her Ayda vorben., cummeldur to Abbyngwer, doe Atteko to eyn ewyghe buet myt volbort mynes kaventes 6 1/2 demet landes. Item 3 demet gheleghen tusken den maren by der E, 1 demet inna Gheltetsna ham. [*] Item 2 demet synt by den dren demten vorghenomet. Item dat 1/2 demet gheheten oppa Hagum. Item dar ys eyn littich utgraven van sunte Johannes lant, dat schal Atteko vorbenomet ock hebben. Item ik Atteko Goukena vorben. myt eyndracht myner kynder unde myner echten husfrouwen do hern Aiden kummeldur vorben. vor dat vorbenomede lant 5 demet etlandes [*] in eyner fen, gheheten de Quage, unde dar hebbe ik Atteko vorben. den vorbenomeden kummeldur alsoveel toghegheven, dat wy des van beiden parten ghans wal myt allen willen tovrede synt, also dat dat lant, dat wy vorbenomeden van malkanderen entfanghen hebben, beholden moghen, solves bruken, verhuren, vorkopen edder unsen rechten erven erven sunder allerleyge arghelyst edder neyge funde. In, an, aver unde by sint west unde togheropen tugheslude to erkennen de warheyt desser vorbescreven dyngher, de herbere unberuchtighede mans unde inwaner to Lopsum Hero Poppenna, Udo Eusna, Ippo Lyudsonna. Ina deme jar unses Heren M^oCCCC^oLXXV^o, quinta feria post festum Marci ewangeliste. Item to mer betugenysse dar warheyt hebbe ik Siart, kerkher to Lopsum, myn ingheseghel hanghen an dat spacium dusses breves. [*]

x

x

Fonds	Ostfriesisches Urkundenbuch, II
Fol.nr.	S. 51
Nr	949
Olim	a. Orig. Perg. Kommende Abbingweer, Nr. 13. b. Abschrift 'ex orig. Loppers.' in Farrago dipl. Ostfris. I. Nr. 4.
Jaar	1475
Datumcode	JpMarci

x

x

x

Commentaar	Das beschädigte Siegel zeigt die Gestalt eines Geistlichen, Umschrift . . . . curati in Lops. . .

x

Materiaal	papier

x

Edities	E. Friedländer, Ostfriesisches Urkundenbuch II (Emden 1881), nr. 949