| Nummer:oub1067 | Datum:21. Juni 1481 | Overlevering:Editie | Vindplaats:Ostfriesisches Urkundenbuch, II, S. 156, nr. 1067 |
Edo Wiemken antwortet dem Bischof von Münster auf ein Intercessionsschreiben desselben wegen der 13 Ballen neutralen Tuchs in demselben Sinne wie in Nr. oub1064 ablehnend.
Deme erwerdighen in God vader unde heren, heren Hinricke, bisschoppe to Munster unde administratori der hillighen kerken to Bremen, mynem gnedigen leven heren, fruntliken screven.
Mynen willighen denst mit vormoghen alles guden tovoren. Erwerdighe in God vadere, gnedighe leve heere. Als de ersamen rede der van Lubeke unde Hamborch juwen gnaden clegelick aver mij gescreven hebben, dess juw gnaden mij ware avescrift ores breves in deme juwen vorsloten gesanth hebben, ludende wo ick orem frunden van Lubeke, borgeren unde unschuldighen copmanne der Dutschen Hanse dorteyn terlinge laken legen God sende recht unvorschuldes unde unentsecht hebbe anhalen unde nemen laten, den welckern ick 6 tarlinghe de geringesten scryve weder to gevende mit lengeren inholde orer ne scriften etc.; darup ick juwen gnaden fruntlick voge weten, wo de vorbenompten stede deshalven orer moetwillen aver my gescreven hebben, wente ick meer dan to enem male an ze gescreven hebbe, van oen begerende, ze oren copman unde schipper wolden warschuwen, de mit den Hollanderen, mynen apenbaren vyanden, nene vorhandelinghe tor zee makenden, noch up ore bodeme schepeden, wante wor ick sodan averqweme, dachte ick my by to hebbende gelyck mynen vyanden. Baven dat hebbe ick den eergemelten steden to willen myne zake mit den genanten Hollanderen to ener benompten tijt fruntliken anstan laten, so dat see bynnen den tyden oren copman wol mochten warschuwet hebben; na den tyden hebbe ick myner vyande schepe unde gueth genamen, oft denne dar sumighe guder mede vormenghet weren, vorhape ick my myn ere genoch daranne vorwaret hebbe unde dess ock nicht plegende sy weder to richtende, sunder wess ick den vorbenompten steden weder gebaden hebbe, is oen to willen unde fruntschoppen gescheen, dem noch so wol vorvolch scheen schal, indeme see sodans to willen unde fruntschoppen hebben willen, sunder dessgennen gebutet unde gepartet iss, alz ick oem meer dan to enem male gescreven hebbe, steyt my nicht weder to richtende. Gade almachtich juw gnaden in guder wolmacht bevolen to langen tyden. Screven under mynem secrete, ame dage corporis Christi, anno etc. LXXXo primo.
Ede Wymeken, to Jever etc. hovetling.
Mynen willighen denst mit vormoghen alles guden tovoren. Erwerdighe in God vadere, gnedighe leve heere. Als de ersamen rede der van Lubeke unde Hamborch juwen gnaden clegelick aver mij gescreven hebben, dess juw gnaden mij ware avescrift ores breves in deme juwen vorsloten gesanth hebben, ludende wo ick orem frunden van Lubeke, borgeren unde unschuldighen copmanne der Dutschen Hanse dorteyn terlinge laken legen God sende recht unvorschuldes unde unentsecht hebbe anhalen unde nemen laten, den welckern ick 6 tarlinghe de geringesten scryve weder to gevende mit lengeren inholde orer ne scriften etc.; darup ick juwen gnaden fruntlick voge weten, wo de vorbenompten stede deshalven orer moetwillen aver my gescreven hebben, wente ick meer dan to enem male an ze gescreven hebbe, van oen begerende, ze oren copman unde schipper wolden warschuwen, de mit den Hollanderen, mynen apenbaren vyanden, nene vorhandelinghe tor zee makenden, noch up ore bodeme schepeden, wante wor ick sodan averqweme, dachte ick my by to hebbende gelyck mynen vyanden. Baven dat hebbe ick den eergemelten steden to willen myne zake mit den genanten Hollanderen to ener benompten tijt fruntliken anstan laten, so dat see bynnen den tyden oren copman wol mochten warschuwet hebben; na den tyden hebbe ick myner vyande schepe unde gueth genamen, oft denne dar sumighe guder mede vormenghet weren, vorhape ick my myn ere genoch daranne vorwaret hebbe unde dess ock nicht plegende sy weder to richtende, sunder wess ick den vorbenompten steden weder gebaden hebbe, is oen to willen unde fruntschoppen gescheen, dem noch so wol vorvolch scheen schal, indeme see sodans to willen unde fruntschoppen hebben willen, sunder dessgennen gebutet unde gepartet iss, alz ick oem meer dan to enem male gescreven hebbe, steyt my nicht weder to richtende. Gade almachtich juw gnaden in guder wolmacht bevolen to langen tyden. Screven under mynem secrete, ame dage corporis Christi, anno etc. LXXXo primo.
Ede Wymeken, to Jever etc. hovetling.
