| Nummer:oub1233 | Datum:23. Aug. 1488 | Overlevering:Editie | Vindplaats:Ostfriesisches Urkundenbuch, II, S. 287, nr. 1233 |
Die Kirchvögte von Larrelt verkaufen dem Propst Johann Boemel und dem Konvente des Klosters Langen 15 Grase und 1 Diemath Landes, deren Lage genau angegeben wird. (Vergl. das Güterverzeichniss des Klosters. Emder Jahrbuch 1877. S. 25.)
Wytlick, kundich unde openbaer sy allen gueden eersamen luden, hoe dat wy Reynt, Heer Nonne unde Gheltet Ubberna, ghezworen heylighemans te Hlarlt, myt consent uns kerckheers, myt[*] vryen will unde waelberadene moede hebben vercofft unde vercopen rechtveerdichs rechtes copes van der heyligen weegen ewelick ende erfflick in krafft des bryeffs, den eersamen unde vorsichtigen heren, here Johan van Boemel, proest te Langen van der heyligher oerden van Premonstreyt, ende den gemeynen conventsluden, vyfftyen grase lande unde een deemet landen, ligghende in ses stycken. Dat yerste styck sijn twee grase hoylants, ligghende in dat vorscreven conventeslant, in dat grote sloech in Loeghender hamryck, streckende aen den heerwech gaende na Loquart, unde upt oest in Hatet Ukena fenne unde upt suyden ende up dat west in des cloesters lant. Dat ander stuck is een demet, oeck liggende in Loeghender hamryka in fen des cloesters van dertyendalff gras, up dat oest streckende is an den gemeynen wech ende up die ander syde, alst west, liggende bij des cloesters lant van der Munte, ende up dat sude by uns vorscr. cloesters lant, als by die seven grase boulants, heytende den hoghenwerff. Dat derde stuck syn twee grase hoylants, liggende in Wyvelsemer hamryck in die kellick by den borchwech upt oest, welche fen in seeven grase, dar die kerckhere van Hlerlt oeck twee grase in heefft, die dar weeren myt ons cloester vorscr. twee grase, ende die drye grase horen ander luden toe. Dat vyerde stuck in een gras fenlants, oeck liggende in Wyvelsemer hamrika by den olden Loeghender kerckwech in eenre fenne van vyff grase, dat een gras hoert toe den heyligen to Loegen, die drie grase horen to Offken the Betteweer. Dat vyffte stuck in een besloten fenne van sesch (!) grasen in Twyxlumer hamrika, streckende myt der eenre syde an den Oesterdyck, ende mytter ander syde an vyff grase, de toehoren Rymyt Ubbena. Dat nette stuck in vier grase, liggende in Tvvyxlumer hamrika, streckende up dat nett an enen ghemeynen wech, dar comen twee wege in eenen wech, ende up die ander sijd in ghelegen en begraven fen, die toehoert den kerekheer to Twyxlum, ende mytter derde sijde streckende syck an seven grase. Dit vorscr. taut hebben wy vercofft tot enen steede, vaste, ewygen ertTcope then ewygen tyden voer eenre summe gheldes, als voer hondert unde vyfftich olde Overlantsche Rynsche golde gulden, welche vorser. summe gheldes ons al wol unde wach l betaelt heefft, den yersten pennynck myt den testen, des wy hem hoochlieken dancken, waerom wy Reynte ende Gheltet vorscr. heylighemans ende uns naeomelyngen van dersulffter kercken willen een guet warer weesen van alle anspmke, gheesteliek offte werliek, so sych ran recht gheboert to allen tijden.., so dat die proest ende dat cloester vorser. moghen dit vorscr. laut versetten, verwysselen, vercopen, bruken, hoe hem des belyevet sunder alle arghelist offte nye vonden. Des te tughe hebben hier mede, by, an ende over gheweesen voer tuychslude, als Syben Hebena unde Gherlt Ubbena, buerlude to Hlerlt, dartoe gheroepen unde gheeysset. In orkonde ende meerder vestenysse der warheit, so hebben wij Reynt und Gheltet vorser. vruntliek ghebeden den eersamen heer Nonne, kerckheer to Twyxlum, unde heer Rycken te Larlt unde den vorsychtigen eerbaren vromen man Ubben, hovellync te Plewert, van unser offte unse kercke weegen, dessen brieff to bezegelen, als wy heer Nonne unde heer Rycke ende Ubbe, hovellinc to Upplewert, ghern hebben gedaen om haerre beede wille, want desse dynge in der waerheit voer uns aldus gheschyet sijn. In jayr uns Heren Mo CCCCo LXXXVIIIo, up sunte Bartholomeus avent apostel.
