| Nummer:oub1312 | Datum:5. April 1492 | Overlevering:Editie | Vindplaats:Ostfriesisches Urkundenbuch, II, S. 348, nr. 1312 |
Mehrere Einwohner von Larrelt tauschen mit dem Kloster Langen eine Reihe genau bestimmter Grundstücke aus. (Larrelt ist nicht genannt, doch sprechen die Aussteller der Urkunde unten von dem Pfarrer Dirk Valken zu Larrelt (vergl. Nr. oub1310) als von ihrem Pfarrer)
Wy Ulboet Uwena ende Reynt Heer Nonne, myt willen ende raet Tyalde myn echte huysvrou, ende Hysse, zalighe Syben Hebens huysvrou, doen witlick, kundich ende openhaer allen dengheenen, die dessen brieff syen offte horen lesen, dat wy myt vryen willen ende voerberadens synnes hebben gewysselt ende ghebuytet to enen steeden, vasten, ewyghen wessel in kraft des brieffs mytten eerbaren gheestelicken man heer Johannes Boemel, proest tho Langhen, ende syne priesters, als heer Lodewicus ende Peregrinus van Boemel, ende suster Enne priorissa, suster Tyake subpriorissa ende gemeyne seniorensusteren ende dat gemeyne convent to Langhen, also dat wij Ulbet, Reynt, Tyalde, myn echte huysvrou, ende Hysse bovengenant hebben gedaen ende gegeven van unsen lande den vorscr. proest ende convent seventyendehalff gras landes aen vier sticken; dat yerste styck syn vyf grase, geheyten Boldsynghewold, ende upt zuyden heeft Gherlt Heerena vyff grase, ende up die nordersyde heeft datselve cloester Langen lant, geheyten die Tremelken, ende dit leecht aen den woltweeh. Item dat ander styck sijn oeck viff grase, geheyten die Tweerlynge, ende daer heeft datselve cloester Langen seven grase up die zuydersijde, ende dat heerscap to Hynt heeft daer acht grase up die nordersijde, ende dat lant leecht aen den woltwech. Item dat derde styck syn oeck vyf grase, geheyten Elselant, ende up die oestersijd heeft Ubbe to Plewert vyer grase, ende dit vorser. lant leecht mytten vvestereynde upt maer, item int oest van Elselant daer leecht een wech, die hoert daeraen. Item dat vyerde stuck in anderhalf gras, geheim n die Meensteweer, gelegen sen den woltwech, ende mytten anderen eynd aen den oestenwech.[*] Item dit voerscr. lant leeeht altesamen in Woltzerter hamryek. Ende voer dit vorscr. lant so heeft Ulbet, Reynt, Tyalde syn huysvrou, Hysse Sybens eergenant, wederom untfangen van den proest of syn convent Langen achtyen grase landes, ghelegen aen tween stycken; dat yerste stuck syn tyen grase ende syn gheheyten die Molenven, ende strecket mytten enen eynde aen den gruenen wech, ende mytten anderen eynde aen den dijck upter Eemsen; ende dat ander styck syn acht grase ende liggen aen den heerwech, dye men gaet van Wyvelsem to Lerlt; ende daer is datselve cloester Langen upt west aldernaest belandt, ende dit vorscr. lant leecht altesamen in Lerlter hamrijck. Ende hierboven so heeft Ulbet, Reynt, Tyalde, Hysse veelgenant van den proest ofte syn convent untfangen drye enckel golden Rynsehe golden. Item dit vorscr. lant sal ende inach en yeghelic vry ewelicken bruken na haren wil ende nutticheyt sonder arghelist. Tughe syn hiertoe geeysset ende gebeden als heer Jan, priester to Lerlt, ende Gherlt Ubbena, inwoner to Lerlt. Ende om meerder vestenisse der waerheyt so hebben wy Ulboet, Reynt, Tyalde, ende Hysse vorbenant gebeden den eersamen meyster Dyrck Valckene, unsen kerckheren, dessen brieff over uns to bezegelen; ende ick meyster Dyrck Valkene, kerckhere, dat gheerne heb gedaen om haerre vryntlicker beden willen. Int jaer uns Herrn dusent vierhondert ende tweentneghentich, des anderen dachs na sunte Ambrosius confessoris.
