| Nummer:oub1317 | Datum:27. April 1492 | Overlevering:Editie | Vindplaats:Ostfriesisches Urkundenbuch, II, S. 352, nr. 1317 |
Der Propst Hayo von Oestringfelde bekundet eine Zeugenaussage über den Grenzzug zwischen Horsten und Zetel und über die Abgabepflicht derjenigen, welche im, Horster Gebiete mähen wollen.
Ick broder Haye, pravest to den Velde, bekenne by myner selen salicheyt vor sodane lude, als dat geboert, woe dat ick betuge unnd bekenne yn jegenwordicheyt des erbaren unnd framen Arent van Straeckholte, amptman des edelen und wolgebaren heren Edzart, graven to Ostfreeslandt etc., wo dat Remet unnd syn echte wyff, Tiade genant, vor uns bekanden by ere selen unnd salicheyt, dat van den Bolenbarge[*] geyt de rechte schedinge yn de rode Ee doer dat mor, dar nu de brugge over geyt; de helfte van den water gene syden van Horsten horet up to Setell an der syden van den water, an dusser syden van Setell dat hort up tho Horsten, sunder jenigerleye ynseggent van den van Setell ofte van ander luden. Dat dyt aldus gescheen ys, bekenne ick yn tegenwordicheyt des vagedes unnd Roleff, ynwaners to Barkell, de dar an und over gewest synnd, als Wessel, Gerdt, Hanschen unnd Haye, ynwaeners to Horsten. Dit ys geseheen yn dem jaer unses Herrn 1492, [*] des fridages yn den Paeschen; gescreven to Barkell, yn dat vorwarck to Velde.
Item desgeliken bekenne ick broder Haie, pravest to den Velde, by myner selen salicheyt yn tegenwordicheyt der vorgescreven tuge, dat Remet unnd Tiade, syn echte wyff, bekennet unnd getuget hebben, wodanich al degene, de wulden meyen yn der Horster landen, de vorwilkoerden den hilligen to Horsten eyn punt wasses to geven, welker punt wasses de van Setell noch schuldych und tho der tyt nicht utgegeven hebhen, des sick de hilligen mans noch beclagen. Dat dyt also vor my und den vorgerorten tugen gescheen, bekenne ick broder Haye etc. myt myner egen handt.[*]
Item desgeliken bekenne ick broder Haie, pravest to den Velde, by myner selen salicheyt yn tegenwordicheyt der vorgescreven tuge, dat Remet unnd Tiade, syn echte wyff, bekennet unnd getuget hebben, wodanich al degene, de wulden meyen yn der Horster landen, de vorwilkoerden den hilligen to Horsten eyn punt wasses to geven, welker punt wasses de van Setell noch schuldych und tho der tyt nicht utgegeven hebhen, des sick de hilligen mans noch beclagen. Dat dyt also vor my und den vorgerorten tugen gescheen, bekenne ick broder Haye etc. myt myner egen handt.[*]
