Häuptling Keno von Loquard und im Ham bekundet, seinem Schwager Victor Frese, 12 Gulden schuldiger Rente mit 200 Gulden Kapital ablösen zu wollen.

Ick Keno tho Lockwert, in dem Hamme hofftling, do kundych unde openbaer alle deghene, de dessen breeff zeen unde hoeren lesen, beyde van ghestlyken unde wertlyken luden, wo ick hyr lye unde bekenne in deser scryfft, dat de erbere, duchtyghe, myn leve swagher Vycter Frese iss by my noch tachteren teyn golden Rynsgulden jaerlykes rente, myn andeel na hylckesvoerwoerde tuschen myn leve suster unde myn leve swagher vorscreven. Ock so hebbe ich Keno vorscr. hofftling untfanghen van dem vorscr. myn leven swager Vycter Frese in reden ghelde so vole, daer ick affgheven sal to rente twe golden Rynsgulden, so dat het iss de summe twalleff golden Rynsgulden rente. Item voert so is to weten, ick Keno van Lockwert byn des overeen ghekomen myt myn leve swagher, dat ick mach desse vorscr. rente wedder affkopen myt twehundert Rynsgulden, welcher wedderkop unde summe gheldes ich Keno van Lockwert loffe yn macht dessen breffes to betalen to mydfasten neghestkomende off to Paschachtende unvorhalet etc. ... Hyr hebben mede, by, an un over ghewesen als rechte tugheslude daerto gheropen un ghebeden, de dit oeck tuschen uns ghedeghenet unde ghemacket hebben, benamentlick de erber duchtyge Ubbo Tydena, to Pleygwert hofftling, un Aerleff Ockenna to Lochwert. In een vorder bewysynghe unde fastynghe der waerheyt alle desse vorscr. puncten ick Keno van Lockwert hebbe ghebeden den erberen duchtygen myn leven oem Ubbo to Pleygwert dessen breff myt my to beseghelen, des ich Ubbo vorscr. hofftling umme bede wyllen hebbe myn ingheseghel wytlicken mede hanghen heten beneden an dessen breff. Int jaer als man screff dusent veerhundert twee un tneghentych, des saterdaghs voer sunte Aelysabet, de hyllyghen weduwen.

x

x

Fonds	Ostfriesisches Urkundenbuch, II
Fol.nr.	S. 371
Nr	1338
Olim	Abschrift 'es autogr. Rysumano'. in Farrago dipl. Ostfris. I., Nr. 75.
Jaar	1492
Datumcode	SaElisab

x

x

Commentaar	Zwei Siegel sind gezeichnet: 1. Wappenschild mit Adler, der auf dem Kopfe und den Flügeln gekrönt ist. Gekrönter Helm mit desgl. Adler. s. Kenonis domi ... 2. Der bekannte Typus des Siegels Ubbo's von Upleward.

x

Materiaal	papier

x

Edities	E. Friedländer, Ostfriesisches Urkundenbuch II (Emden 1881), nr. 1338