| Nummer:oub1441 | Datum:24. Juni 1495 | Overlevering:Editie | Vindplaats:Ostfriesisches Urkundenbuch, II, S. 452, nr. 1441 |
Graf Edzard weist in einem Schreiben an Bürgermeister und Rath von Bremen die von Edo Wiemken vorgebrachten Anklagen, als habe er wider Fug und Recht dessen Land überfallen, zurück.
Den ersamen unde wisen borgermesteren ende rade der stadt Bremen, unsen besunderen guden frunden.
Edtzardt, grave tho Oestfrieslandt. Unse frundlike gruth. Ersamen ende wisen, besunderen guden frundes. Wy heben juwe scrifte eyn myt inghelechter copien der beclachte Ede Wymeken untfangen unde na geboir woll vorstaen; als danne desulve Ede sick beclaget, dat wy mit forsse, tiegen Godt, ere unde recht in sin landt getogen sin, kercken unde blasen gheschindet etc. na wyder vormeldinghe siner scrifte, so synnen wy noch de unsse nye der menenghe gewest, dat wy eme adir yemants baven reden unde recht wolden beschedighen, kercken ende klusen tho schinden, offte uns anders mit unerlyken saken, als he scryvet, beweren, und sal uns solichs all aver dichten, dencken ende sunder beschiede, mit logentaiell van uns schriven unde seggene, dan wy hebben uns in sin landt gelacht darumme, unrecht unde syn umbillich vornement willen straffen, so he unde de syne van velen jaren vorlopen, den armen unschuldigen seefarende copman, ouck unse underdanen unde bewanten, dicke unde vaken, sunder reden, recht adir jenigen billicken tosaghe, geschinnet, bespleten unde gheschattet, als velen heren, ock juw unde anderen steden woll witlik ys, desshalven wy van sinentwegen in groten merckliken schaden, ouck ungunst veler heren unde stede gekomen unde gevallen sin, dat wy mit der hulpe Gods desen landen unde dem ghemeynen copmanne, ruste unde vrede willen schaffen; vorseen uns ouck gensliken, dat gy uns darto billich hulpe unde trost gelyck anderen steden woll willen bewisen, so ouck am latesten in Budtjadinghe in bywesendt juwer rede unde frund verhandelt ys worden, unde dat uns de gemelte Ede sodane unbillicke dinghe averschrivet unde tolegget, gedencken wy nicht to vorgetten, dan solchs mit eme holden unde uns vor heren unde fursten daran unde ock dat sodane bestant nicht dorch uns dan one ghekrencket is woll willen vorantworden, unde konden wy juwen ersamheiden warmede gunst unde willen bewisen, sinth wy gans geneget. Datum under unsen secrete, ame dage Johannis Baptiste, anno etc. XCVo.
Ok, bisunderen guden frundes, als gy gerne segen de gebreke na gutlichen bestande mochten hengelacht werden etc., stellen wy fruntlich handel de uns, unsen landen unde luden, ouck dem ghemeynen kopmanne, orber, nutt unde profitlich mochte syn nicht aff, hebben ok stede hen dem rechten overbodich gewest, wowoll wy solchs by demselven Eden nye konden bekomen, welck uns to desem handel hevet geenget etc.
Edtzardt, grave tho Oestfrieslandt. Unse frundlike gruth. Ersamen ende wisen, besunderen guden frundes. Wy heben juwe scrifte eyn myt inghelechter copien der beclachte Ede Wymeken untfangen unde na geboir woll vorstaen; als danne desulve Ede sick beclaget, dat wy mit forsse, tiegen Godt, ere unde recht in sin landt getogen sin, kercken unde blasen gheschindet etc. na wyder vormeldinghe siner scrifte, so synnen wy noch de unsse nye der menenghe gewest, dat wy eme adir yemants baven reden unde recht wolden beschedighen, kercken ende klusen tho schinden, offte uns anders mit unerlyken saken, als he scryvet, beweren, und sal uns solichs all aver dichten, dencken ende sunder beschiede, mit logentaiell van uns schriven unde seggene, dan wy hebben uns in sin landt gelacht darumme, unrecht unde syn umbillich vornement willen straffen, so he unde de syne van velen jaren vorlopen, den armen unschuldigen seefarende copman, ouck unse underdanen unde bewanten, dicke unde vaken, sunder reden, recht adir jenigen billicken tosaghe, geschinnet, bespleten unde gheschattet, als velen heren, ock juw unde anderen steden woll witlik ys, desshalven wy van sinentwegen in groten merckliken schaden, ouck ungunst veler heren unde stede gekomen unde gevallen sin, dat wy mit der hulpe Gods desen landen unde dem ghemeynen copmanne, ruste unde vrede willen schaffen; vorseen uns ouck gensliken, dat gy uns darto billich hulpe unde trost gelyck anderen steden woll willen bewisen, so ouck am latesten in Budtjadinghe in bywesendt juwer rede unde frund verhandelt ys worden, unde dat uns de gemelte Ede sodane unbillicke dinghe averschrivet unde tolegget, gedencken wy nicht to vorgetten, dan solchs mit eme holden unde uns vor heren unde fursten daran unde ock dat sodane bestant nicht dorch uns dan one ghekrencket is woll willen vorantworden, unde konden wy juwen ersamheiden warmede gunst unde willen bewisen, sinth wy gans geneget. Datum under unsen secrete, ame dage Johannis Baptiste, anno etc. XCVo.
Ok, bisunderen guden frundes, als gy gerne segen de gebreke na gutlichen bestande mochten hengelacht werden etc., stellen wy fruntlich handel de uns, unsen landen unde luden, ouck dem ghemeynen kopmanne, orber, nutt unde profitlich mochte syn nicht aff, hebben ok stede hen dem rechten overbodich gewest, wowoll wy solchs by demselven Eden nye konden bekomen, welck uns to desem handel hevet geenget etc.
