| Nummer:oub1445 | Datum:3. Juli 1495 | Overlevering:Editie | Vindplaats:Ostfriesisches Urkundenbuch, II, S. 456, nr. 1445 |
Das Kirchspiel Sillenstede huldigt den Grafen Edzard und Uko von Ostfriesland und verspricht eine Gabe von 60 Rheinischen Gulden und 100 Tonnen Hafer.
Wy inwoneren unde gemeynen kerspelluyden to Sillingstede bekennen und betuegen met desen onsen openen besegelden brieve voer alsweme, dat wy den eedelen und welgebornen heren Edzarten unde Ukken gebroederen, graven tho Oestfrieslandt, oren erven ende nacomelinghen, hebben gelavet und gesworen, laven und zweeren in crafft dessen breves trouwe unde holt to synde, oer gnaden argest toe keren und best tho weten, unde willen by en doen al datgeene, dat een goderen underdane by syne heeren schuldich unde plichtich is to doende, daertoe willen wy emme geven nu upp sunte Michiels dach tsestich golden Rinsche gulden unde hundert tunne goederen haver, al in synen genaden gewalt to leveren. Dessen te vorder urkunde der waerheyt hebben wy onse kerspelssegele beneden up dessen brieff doen drucken; am vridage na Petri et Pauli apostolorum, anno XCo quinto.
