| Nummer:oub1455 | Datum:Aurich, 3. Sept. 1495 | Overlevering:Editie | Vindplaats:Ostfriesisches Urkundenbuch, II, S. 468, nr. 1455 |
Graf Edzard schreibt an Edo Wiemken wegen der zu spät vor ihn gebrachten Klagen über Häuptling Hicko von Gödens und verspricht Untersuchung.
Deme erbern Eden Wymeken tho Jhever, unsen gueden frunde.
Edezart, grave tho Oestfrieslandt. Erber guede frundt. Als gij schrijven van dem duchtigen unsen leven getreuwen Hicken, tho Godensen hovetling, wo he nu ame saterdage unde dairnha de juwe sall hebben beschedighet baven den uitgesproken unde vurschrevenen vreden etc., so sint unse rede ame vridage in der nacht lait erst weder an uns gekomen, alles, dat wij deme genielten Hicken nicht de dinghe in tiden konden vurwittighen, unde weten ouck nicht wes des durch en offte den synen geschiet is. Dan willen van stundt mijt juwen schriften unse bodeschafft by eme hebben, unde wes wy in antworde krighen, willen wy juw unvorwittighet nicht laten, unde begheren, gij willen de van Schortense unde Sillingestede allso vurmogen, se uns vurnoghen wes se van dingetalls halven plichtich syn, uns vurder vursehns derweghen nicht van noden sy. Datum Awrigh, ame donnerdage na decollacionis Johannis, anno XCo quinto.
Edezart, grave tho Oestfrieslandt. Erber guede frundt. Als gij schrijven van dem duchtigen unsen leven getreuwen Hicken, tho Godensen hovetling, wo he nu ame saterdage unde dairnha de juwe sall hebben beschedighet baven den uitgesproken unde vurschrevenen vreden etc., so sint unse rede ame vridage in der nacht lait erst weder an uns gekomen, alles, dat wij deme genielten Hicken nicht de dinghe in tiden konden vurwittighen, unde weten ouck nicht wes des durch en offte den synen geschiet is. Dan willen van stundt mijt juwen schriften unse bodeschafft by eme hebben, unde wes wy in antworde krighen, willen wy juw unvorwittighet nicht laten, unde begheren, gij willen de van Schortense unde Sillingestede allso vurmogen, se uns vurnoghen wes se van dingetalls halven plichtich syn, uns vurder vursehns derweghen nicht van noden sy. Datum Awrigh, ame donnerdage na decollacionis Johannis, anno XCo quinto.
