| Nummer:oub1458 | Datum:Aurich, 4. Okt. 1495 | Overlevering:Editie | Vindplaats:Ostfriesisches Urkundenbuch, II, S. 470, nr. 1458 |
Graf Edzard antwortet Edo Wiemken auf sein Schreiben vom 14. September (Nr. oub1456) und bestimmt die erbetene Zusammenkunft auf den nächsten Mittwoch zu Rispel, wobei er angiebt, wer da erscheinen soll.
Deme erbern unsen gueden frunde Edo Wymeken, tho Jhever hovetlinge.
Edzart, grave tho Oestfrieslandt. Erbere guede frundt. Als gy in juwen latesten schriften begheren, wij ju eynen enckeden dag up gelegeliche stede wulden betekenen, dair men unse denere unde de priestere, als van der gevanghen weghen, beyeynander mochte bringhen, so belevet uns sodanne dag tho holden als nu ame widweken negest anstaende uppen Rispel tho vromiddaghe, dair wy dan de unse myt Otto Papen ende andern unsen denern willen schicken; vursehn uns de juwe alsdan dair ouck werden komen myt den priestern, dairvan juwe schriffte vurmelden. Begheren, gij wilden bestellen, dat alsdair den ouck komen de Rosteringhe, de van Sillingestede unde Schortensen, als van dingetails halven, ouck de kerckhere tho Wadwerden her Heddo, unde de ander gevanghen, de uns eerlois unde manedich geworden syn, dair ouck tor stede komen ende somige borghen uns underdanen, de voir se gelavet hebben, schaidlois helden. Datum Awrick, ame sondage na Michaelis, anno XCVo.
Edzart, grave tho Oestfrieslandt. Erbere guede frundt. Als gy in juwen latesten schriften begheren, wij ju eynen enckeden dag up gelegeliche stede wulden betekenen, dair men unse denere unde de priestere, als van der gevanghen weghen, beyeynander mochte bringhen, so belevet uns sodanne dag tho holden als nu ame widweken negest anstaende uppen Rispel tho vromiddaghe, dair wy dan de unse myt Otto Papen ende andern unsen denern willen schicken; vursehn uns de juwe alsdan dair ouck werden komen myt den priestern, dairvan juwe schriffte vurmelden. Begheren, gij wilden bestellen, dat alsdair den ouck komen de Rosteringhe, de van Sillingestede unde Schortensen, als van dingetails halven, ouck de kerckhere tho Wadwerden her Heddo, unde de ander gevanghen, de uns eerlois unde manedich geworden syn, dair ouck tor stede komen ende somige borghen uns underdanen, de voir se gelavet hebben, schaidlois helden. Datum Awrick, ame sondage na Michaelis, anno XCVo.
