| Nummer:oub1529 | Datum:Aurich, 25. März 1497 | Overlevering:Editie | Vindplaats:Ostfriesisches Urkundenbuch, II, S. 531, nr. 1529 |
Graf Edzard bittet den Rath der Stadt Hamburg der Unsicherheit der Wege halber um Aufschub der schuldigen Zahlung bis zu Martini.
Edezardt, greve tho Ostvresslandt etc. Unssen u. s. w.
Als juwe erssam. averst vermaning don van dem gelde etc., szo kennet Got, dat sodane gelt sent Matheus dage bereit by eynander hefft gelegen, und sodans gerne tho juwen handen geschigket hedden, dan durch mannichfoldigen anxst und perikel derwegen, so ethliche unse naberen dages und nachtes tho unten ergesten verdacht syn, als juwe wisheiden uth den anderen unsen schrifften vaste warheit und gelegenheit werden vernemen, hebben wy nemandes konnen bekamen, de sodane gelt wider an j. e. wolde bringen; dersulven de dath halden synt twie mith dem gelde up der reyse van vruchten weddergekert, und so wy nu tho mergklichen unwillen van unse naburen nothlichen, umme furder verdarff unser eigen lande vorthokamen, geediget und gedrungen werden eynen knecht edder anderhaffdusent tho versolten hebben, und nicht weten, wo sick dhe handell furder muchte verlopen, begeren wy myt besunder fruntlicher andacht, j. w. uns tho willen mith der betalinge des geldes thofreden syn bes up sunte Mertens dach schirstanstande, alsdan willen wy sodans unvertogert j. e. gudtlichen woll to betalen uns des nicht willen weigeren, so dat eyne geringe tidt is j. w. weinich affdrechlick dan uns in unsen anliggenden saken trostlick und ser behulplick; des und anders vell mer trottet und bystandes versehen wy uns genzlichen tho juwen wisheiden, und konnen wy in anstanden tyden j. e. in geliken edder groteren sahen behechlicheit, gunst und frunschafft wedder ertzeigen, daran sollen gy uns all tidt gunstwillich ersparen. Datum Aurig, ame Paske avende, anno XCVIIo.
Cedula.
Ock asse j. w. in eynen anderen breve schriven van ethlichen korne ern Clawesse, juwes radesmedekumpan, ankamende etc., so is sodane korne van dem erbern Hicken tho Godenssen buten unsen weten und willen genamen, hebben ock datgene, davan up de Fredeborch gekamen, gutlichen wol betalt; nichtdemyn, wowol uns de sake nicht berorth, willen wy jodoch j. e. tho willen unse flitige furderung mith juwen schrifften dem ergenanten Hicken befelen und so vele an uns is bestellen, dem to gescheen, als sick na reden gebort, welch wy j. e. so im besten wedder verwittigen. Datum ut in literis.
Als juwe erssam. averst vermaning don van dem gelde etc., szo kennet Got, dat sodane gelt sent Matheus dage bereit by eynander hefft gelegen, und sodans gerne tho juwen handen geschigket hedden, dan durch mannichfoldigen anxst und perikel derwegen, so ethliche unse naberen dages und nachtes tho unten ergesten verdacht syn, als juwe wisheiden uth den anderen unsen schrifften vaste warheit und gelegenheit werden vernemen, hebben wy nemandes konnen bekamen, de sodane gelt wider an j. e. wolde bringen; dersulven de dath halden synt twie mith dem gelde up der reyse van vruchten weddergekert, und so wy nu tho mergklichen unwillen van unse naburen nothlichen, umme furder verdarff unser eigen lande vorthokamen, geediget und gedrungen werden eynen knecht edder anderhaffdusent tho versolten hebben, und nicht weten, wo sick dhe handell furder muchte verlopen, begeren wy myt besunder fruntlicher andacht, j. w. uns tho willen mith der betalinge des geldes thofreden syn bes up sunte Mertens dach schirstanstande, alsdan willen wy sodans unvertogert j. e. gudtlichen woll to betalen uns des nicht willen weigeren, so dat eyne geringe tidt is j. w. weinich affdrechlick dan uns in unsen anliggenden saken trostlick und ser behulplick; des und anders vell mer trottet und bystandes versehen wy uns genzlichen tho juwen wisheiden, und konnen wy in anstanden tyden j. e. in geliken edder groteren sahen behechlicheit, gunst und frunschafft wedder ertzeigen, daran sollen gy uns all tidt gunstwillich ersparen. Datum Aurig, ame Paske avende, anno XCVIIo.
Cedula.
Ock asse j. w. in eynen anderen breve schriven van ethlichen korne ern Clawesse, juwes radesmedekumpan, ankamende etc., so is sodane korne van dem erbern Hicken tho Godenssen buten unsen weten und willen genamen, hebben ock datgene, davan up de Fredeborch gekamen, gutlichen wol betalt; nichtdemyn, wowol uns de sake nicht berorth, willen wy jodoch j. e. tho willen unse flitige furderung mith juwen schrifften dem ergenanten Hicken befelen und so vele an uns is bestellen, dem to gescheen, als sick na reden gebort, welch wy j. e. so im besten wedder verwittigen. Datum ut in literis.
