| Nummer:oub1550 | Datum:18. Juli 1497 | Overlevering:Editie | Vindplaats:Ostfriesisches Urkundenbuch, II, S. 547, nr. 1550 |
Aeylt Ulferdtsna zu Grimersum verkauft dem Emder Bürger Bolhard von Jemgum, einige naher bestimmte Grundstücke.
Ich Aeyldt Ulferdtsna, kerspelman to Grymersum, enkenne unde belije apenbar vormydst dessen apenen bezeghelden breve vor alssweme, dat ick myt vryen willen unde walbedachtens moedes hebbe vorcofft unde noch jeghenwordych vorcoepe in cracht unde macht s breves enen vasten, steden, ewyghen erffcoepe, een gras boulandes unde twe tweed grase boulandes in Grymersummer hamrick beleghen, dat gras ijs beleghen in de coerte eckeren, Focke Wysselssna hefft dar anderhalff gras by ligghen an de oestersyedt; dat ene tweed gras ijs beleghen in de Boeghe by den scapeweghe, de hylghen darsulvest hebben darby ligghen een tweed gras uppt westen; dat ander tweed gras lycht in de langhe eckeren, Focke Wysselssna vorbenomed hefft darbij een tweed gras by der westersyedt, deme ersamen Boelhardo van Jemghum, borgher in Emeden, Elzeken, syner elyker husfrouwen, unde orer twyeren rechten erven, vor ene tsumme van ghelde, dewelcke Aeyldt vorscr. bekande, eme de eerste pennygk myttem laatsten van den uppghen. Boelhardo to wyllen unde vuller ghenoghe wal untrycht unde betaelt were, des he ferne bedanckde, unde lovede eme unde synen erven dusses vorscr. landes guede warscuppe to doen vor syck unde synen erven vor alle ansprake gheestlikes unde warldtlykes, wanner unde vaken[*] Boelhardo unde der ghenanten syner husfrouwe offte orer twyer erven des van noeden toe doene mochte werden sunder arghelyst. Tuchslude hyrtho gheropen unde ghebeeden synt ghewest de beschedenen Gherdt Goltsmyt unde Johan Scroder van Norden, borghers in Emeden. Toe merer orkunde der warheyt unde hogher bevestnysse, soe heb ick Aeyldt vorbenomed vruntliken ghebeden den ersamen meister Boyen Meyens, decretorum doctorem, kercheren van grote Phalleren unde vicarium der kerspelkarken to Emeden, umme dussen breff over my to bezeghelen, dem he em alsoe ghedaen hevet dorch des vorghenanten Aeyldes vrentliker beede wyllen, unde hefft syn inghezeghel beneden an dessen breff ghehanghen. In den jare unses Heren Christi, doe men screff dusent veerhundert unde seven entneghentych, uppe den dach Arnulphi confessoris et pontificis.
