Der Bischof Konrad von Münster u. s. w. bestimmt unter Berufung auf die Urkunde Nr. oub1571, dass sich die dort niedergelegten Festsetzungen nur auf das beiderseitige Gebiet beziehen sollen.
Wy Conraed, van Godes gnaden bisschop to Munster unde administrator der kerken to Osenbruggen, don kunt unde enkennen in dussen apenen breve, als twyst unde unwille tusschen dem werdigen capittele unde undersaten unses gestichtes Munster an eyne, den edelen heren Edzerde unde Uken, gebroderen greven to Oistfresslant, oren undersaten unde verwanten, an ander zyt, eyne tytlanck gewesen ist, der byfart unde tolle halven in beiden landen Munster unde Ostfreeslande belegen, umme welken twist unde unwillen der tolle unde bifart vurg. wy unse capittelle unde undersaten myt dem vurg. heren Edzerde, Uken unde eren undersaten to ewigen tyden gutliken unde gruntliken na lude der scheidesbreve darup sprekende tofreden gestalt, verdragen unde entscheyden synt, dat sulker verdracht der byfart ende tolle vurg. sich nicht wyder noch breder strecken en sal, dan to unser beyder undersaten unde landen behoiff; unde dusset in orkunde der warheyt hebbe wy Conraed, bisschop unde administrator vurg., unse ingesegel an dussen breff don hangen. Datum anno Domini millesimo quadringentesimo nonagesimo septimo, ame mandage na undecim milium virginum.
x
| Edities |
E. Friedländer, Ostfriesisches Urkundenbuch II (Emden 1881), nr. 1573 |
