Notiz über ein Darlehn Adelheid Wylmes, an Johann von Haren und die Stellung von Bürgen seitens des Letzteren wegen einer anderen Forderung.

In den jar unses Heren M^o CCCC^o XCVIII^o, up unser leven vrowen avent assumsyonys Marye, hebbe ick Johan van Haren untfangen van Alyt Wylmes 25 golden Rynsgulden, unde hebbe er des enen bref gegeven myt der stat sekret besegelt, dat se myt der betalynge quyt sal wesen, unde hebbe er borgen gesat vor en hantscryft, dar Alyt vorg. up klagede, den ersamen Lambert van Lynge unde Bolke Tapper, unde hebbe voer bormester unde rade enen machtbref getont, dat ich der schulde mechtych byn toe boren unde dar quyttansye af toe geven, unde ick Johan vorg. hebbe Lamberde vorg. unde Bolken schadelos gelavet toe holden van der lofte der hantscryft, dar Alyt up klagede; unde dyt vorg. is van Leffert Zwachmans wegen.

x

x

Fonds	Ostfriesisches Urkundenbuch, II
Fol.nr.	S. 588
Nr	1602
Olim	Eintragung im Emder Protokollbuch. Rathsarchiv Nr. 846. S. 5.
Jaar	1498
Datumcode	vAssMar

x

x

Materiaal	papier

x

Edities	E. Friedländer, Ostfriesisches Urkundenbuch II (Emden 1881), nr. 1602