| Nummer:oub1655 | Datum:Appingedam, 22. Febr. 1500 | Overlevering:Editie | Vindplaats:Ostfriesisches Urkundenbuch, II, S. 629, nr. 1655 |
Der Drost von Emden, Udo von der Kaldeburg, intercedirt bei Bürgermeister und Rath von Emden wegen der Ansprüche, welche die Fischer Matthaeus und Heinrich an Jakob Hemmels wegen ihres verdienten Lohnes erheben.
Deme eerssamen ende wyszen borghemestere ende raedt der stadt Emeden, mynen bezunderen gueden frunden.
Eerssamen ende bezunders gueden frundes. So als ick in tyden unlanghes hebbe doen besaten mydt rechte eetlike schulde van weghen Jacob Hemmels schepeskynderen onder Einen Goltsmydt plaggen unde Ocken Boeltsens, de se de vorgenempten Jacob noch schuldich zijnnen, so hebben sick vor my beclaghet Matheus und Hynrick, visscher, se bij den eren nicht kenen komen, als vordent loen den vorgenempten Jacob aff hebben vordent, und Jacob voer mij hadde anghenomen, desulfften tho vornoghen sonder meer clagens, des nicht ghescheen en is, so ick vorstae. Ist hyromme myne fruntliche begher mijdt andachten, den vorghenempten Matheus und Hynrick, thoners dusses brieffs, wyllen behulpelick wesen tot eren rechten, se oer vordent loen mochten bekomen van den ergenempten oeren schypper, als dat nicht anders na den reden ghebort, so voel als se bij etn to achteren zijnnen, als namptlike eetlich veer golden gulden sonder indracht. Gode den Heren ghesunt bevolen. Ghescreven thom Damme, onder mijn pynszer, amme dage cathedra Petri, anno Vc.
Udo van der Koldenborch, droesthe tho Emeden.
Eerssamen ende bezunders gueden frundes. So als ick in tyden unlanghes hebbe doen besaten mydt rechte eetlike schulde van weghen Jacob Hemmels schepeskynderen onder Einen Goltsmydt plaggen unde Ocken Boeltsens, de se de vorgenempten Jacob noch schuldich zijnnen, so hebben sick vor my beclaghet Matheus und Hynrick, visscher, se bij den eren nicht kenen komen, als vordent loen den vorgenempten Jacob aff hebben vordent, und Jacob voer mij hadde anghenomen, desulfften tho vornoghen sonder meer clagens, des nicht ghescheen en is, so ick vorstae. Ist hyromme myne fruntliche begher mijdt andachten, den vorghenempten Matheus und Hynrick, thoners dusses brieffs, wyllen behulpelick wesen tot eren rechten, se oer vordent loen mochten bekomen van den ergenempten oeren schypper, als dat nicht anders na den reden ghebort, so voel als se bij etn to achteren zijnnen, als namptlike eetlich veer golden gulden sonder indracht. Gode den Heren ghesunt bevolen. Ghescreven thom Damme, onder mijn pynszer, amme dage cathedra Petri, anno Vc.
Udo van der Koldenborch, droesthe tho Emeden.
