| Nummer:oub1700 | Datum:24. April 1394 | Overlevering:Editie | Vindplaats:Ostfriesisches Urkundenbuch, II, S. 661, nr. 1700 |
Lübeck und Hamburg bitten die Stadt Elburg, sie bei ihrem Unternehmen gegen die Vitalienbrüder, bei welchem sie auch auf den Beistand Ocko's tom Brok rechnen, zu unterstützen.
Den erbaren wisen luden borgemestern, schepenen und radmannen to Drelborg, unsen besundern vrunden.
Vruntliken grut tuvoren unde wes wy gudes vermogen. Erbaren besundern vrunde. Juwer vorsichticheit is van ghemenes ruchtes wegen und in der warheid wol vorghekornen, dat sommige vitalienbrodere bynnen Dockem in Vreesland vorgaddert den ghemenen copman gode entfarmet, zwarliken unde grofliken beschediget und dat ere ghenomen hebben unvorschuldes, unde noch beschedighen mogen; des is van ersamen radessendeboden der ghemenen henzestede up dessen egge landes beleghen, kortliken bynnen Lubeke vorgaddert, daraver ghesproken und gheramet, dat wy unse vrunde darup bereden und to schepe uthmaken wyllen, unde hopen desulven vitalienbrodere mid Godes, juwer und junchern Ocken van dem Broke unde der siner hulpe to krenkende unde to verstorende, gunnet uns God der gnade, welke unse vrunde up dessen dach al berede sind mid schepen ende anderer retscop alse daerto behoret by den ergen. junchern Ocken int Greet sunder sumet to komende, soverne en weder unde wynd dar nich ane hindert. Beghere wy, besundern vrunde, dat gy juwe vrunde weraftich darsulves unsen vrunden to hulpe unde troste schicken und by en hebben wyllen, alse gy ersten konnen, de unsen vrunden truweliken behulpen sin, sodane quade gezelscop der ghemenen copenscop to nutte unde bate to verstorende, alse dat wol behoret und van noden is; ist dat Godes wylle were, dat men enen der vitalienbrodere entholdere up den ghemenen copman to beschedigende darover tuchtigen und metigen mochte, dat de anderen dat vor oghen hedden und daran dechten. Sijt Gode bevalen. Screven under unsen van Hamburch secret, de wy samentliken hirto bruken, op ten 24sten dach van Aprill.
Consules Lubicenses et Hamburgenses.
Vruntliken grut tuvoren unde wes wy gudes vermogen. Erbaren besundern vrunde. Juwer vorsichticheit is van ghemenes ruchtes wegen und in der warheid wol vorghekornen, dat sommige vitalienbrodere bynnen Dockem in Vreesland vorgaddert den ghemenen copman gode entfarmet, zwarliken unde grofliken beschediget und dat ere ghenomen hebben unvorschuldes, unde noch beschedighen mogen; des is van ersamen radessendeboden der ghemenen henzestede up dessen egge landes beleghen, kortliken bynnen Lubeke vorgaddert, daraver ghesproken und gheramet, dat wy unse vrunde darup bereden und to schepe uthmaken wyllen, unde hopen desulven vitalienbrodere mid Godes, juwer und junchern Ocken van dem Broke unde der siner hulpe to krenkende unde to verstorende, gunnet uns God der gnade, welke unse vrunde up dessen dach al berede sind mid schepen ende anderer retscop alse daerto behoret by den ergen. junchern Ocken int Greet sunder sumet to komende, soverne en weder unde wynd dar nich ane hindert. Beghere wy, besundern vrunde, dat gy juwe vrunde weraftich darsulves unsen vrunden to hulpe unde troste schicken und by en hebben wyllen, alse gy ersten konnen, de unsen vrunden truweliken behulpen sin, sodane quade gezelscop der ghemenen copenscop to nutte unde bate to verstorende, alse dat wol behoret und van noden is; ist dat Godes wylle were, dat men enen der vitalienbrodere entholdere up den ghemenen copman to beschedigende darover tuchtigen und metigen mochte, dat de anderen dat vor oghen hedden und daran dechten. Sijt Gode bevalen. Screven under unsen van Hamburch secret, de wy samentliken hirto bruken, op ten 24sten dach van Aprill.
Consules Lubicenses et Hamburgenses.
