| Nummer:oub1712 | Datum:Den Haag, 16. Febr. 1399 | Overlevering:Editie | Vindplaats:Ostfriesisches Urkundenbuch, II, S. 669, nr. 1712 |
Herzog Albrecht von Baiern verzichtet auf seine Ansprüche an die Vitalienbrüder, , welche früher im Auftrage des Widzel, des Sohnes Ocko's tom Brok, ihn und die Seinigen geschädigt haben, unter dem Vorbehalt, dass sie in Zukunft keine Kaufleute mehr schädigen.
Aelbrecht etc. doen cond allen luden, dat wii quiit gescouden hebben ende scheiden quiit mit desen breven allen den likendeelres, [*] die von ons liefs ende getruwen wegen Widzels, heren Ocken zon, utgeweest ende utgevaren hebben, van allen brueken ende misdaden, die sii jegen ons ende unsre ondersaten tot desen dage toe gebruoect ende misdaen mogen hebben. Voort so maken wii mechtich ende mechtigen Jacque Vlistman, onsen dienre ende capitein van Dochem, den voirscreven likedeelres van onser wegen te gheven een goet, vry, vaste ende zeker geleide, vrylich te varen, te merren ende te keren overal in onsen lande, om hoer broot te winnen ende horen penning huesschelic te verteren, ende ongemoeyt te wesen van allen aensprake, bruoeken ende misdaden, die sii up die coepluden gebroect of misdaen mogen hebben tot desen daghe, utgeset, yemande van him luden, die balling onser lande gemaect ware mit rechte. Ende dit sal wesen in sulker manieren, dat sii verwilcoren sollen up hoer liif ende up hoer goet, gheen coepluden schade te doen te water ende te lande na deser tiit, ende oec of yement van him luden na deser tiit bruekich worde, daer soude hi of staen te recht na den recht van onsen lande. In oercond. Gegeven in den Hage, 16 dage in Februario, anno 98 ut supra.
