Burgemeesteren en Raad in Groningen oorkonden, dat Bruen Schevens voor hen verklaarde verkocht en overgedragen te hebben aan Hanneken van Campen een jaarlijksche rente van drie en een half Arnhemsche guldens 'te beuren uit zijn huis, woning en hofstede met toebehooren aan de noordzijde 'van der Langer straten', met bepalingen omtrent wederinkoop dezer rente.

Wy borgermestere ende Raed in Groningen betugen myt dessen openen breve dat voer ons is gekomen
Bruen Schenens ende bekande voer em ende sine erffgenamen dat hie hevet verkofft upgedragen ende
overgegeven Hanneken van Campen ende oeren erffgenamen vierdehalven arnemsen gulden Erffliker renten
vijffteyn krumsterten voer elken gulden gerekent jaerlix to boren alze stadrecht is uut sinen huuse ende woningen
mytter hofsteden achter ende voer myt alle oeren tobehoren gelegen ande norder zyde vander Langerstraten
daer Gerryt reemslagers huus naest by licht ande oester zyd ende Wemele Potters ende oere kindere huus ande
wester zyde vry ende quyt voer ene summe geldes de Bruen vorscr. bekande dat em vull ende all is betaelt Hiir is
togesproken dat Bruen vorscr. offte sine erffgenamen desse vorscr. vierdehalff gulden rente ..... aff vry ende quyt
....open tot allen tyden wanneer em des genoget alzet belopet myt hundert gulden ses gulde rente te lossen vorscr.
payments ende mytter vuller rente sunder argelist Dat Orkonde wy myt onser stad zegel. Ghegeven inden jaer ons
heren dusent vierhundert dre ende tachtentich des saterdages na sunte Willibrordus dach doe Sweden Kater,
Herman Potter, Roloff Ulgers ende Roloff Mepsche borgermestere waeren onser stad.

x

x

Archief	Groninger Archieven
Fonds	Arch. Parochiekerken
Toegangsnummer	1539
Inventarisnr.	0374
Regestnr.	339
Register Feith	1462.006.2
Jaar	1483
Datumcode	SpWilleb

x

x

x

x

Materiaal	perkament