| Nummer:par420 | Datum:21 mei 1495 | Overlevering:Origineel | Vindplaats:Arch. Parochiekerken, inv.nr. 0441, reg. 420 |
Burgemeesteren en Raad in Groningen oorkonden, dat Nese Cassens en haar zoonen Clawes, Gheert en Roleff Cassens voor hen verklaarden verkocht en overgedragen te hebben aan kerkheren en priesters 'de gremio'te Sunte Merten een jaarl. rente van zes 'golden enkelde overlandesche Koerffuuster rijnse gulden'te beuren op 'St. Johannes to Myddensomer'uit hun halve 'heerd ende sate'lands met toebehooren gelegen ten Buren en de Vrije Venne genaamd, thans bemeierd door 'dove Coert de meijer'en voorts uit hun landen to 'Myddelbaert'bij den dijck en al hun overige goederen, onder voorwaarde dat jonge Hilbrant Sygers Roleffssone het levenslange vruchtgebruik dezer rente zal hebben, en met last na voorn. Hilbrants dood twee nader aangeduide memorien elk van een klein pond was te onderhouden, en het overblijvende tot Koorpenningen onderling te verdeelen; een en ander met bepaling omtrent de eventuele stoklegging van 't goed te Myddelbaert en omtrent wederinkoop dezer rente.
Wy Borgermeistere ende Raet in Groningen betugen myt dessen openen breve dat vor ons synt gekomen Nese
Cassens Clawes Gheert ende Roleff Cassens oer soens ende bekanden samentlike voer em ende oeren erffgenamen
dat se hebn verkoefft upge dragen ende overgegeven den kerchers ende preisters to sunte Merten in onser Stadt de
gremio ende oeren nakomelingen ses golden enckelde overlandesche koerffuurster rynsen gulden jaerliker ende
eweliker rente vor datum desbreeffs gemuntet ende anders gheen gelt jaerlix to sunte Johannes to myddensomer to
betalen myt golden rynsen gulden als vorscr. synt ende myt anders gheen gelt Toe boeren ende to manen uut oeren
halven heerde ende sate landes daer dess de hele heert groet sall wesen negenendedertich grasen landes daer aff
de ander heelffte van to behoert saligen Roleff Cassens kynderen soe alse dove Coert de meyer dat nu brukende
is gelegen Ten Buren geheten de vrye venne ende pade venne mytten anderen lande Ende offte de kerckheers ende
preisters vorgen. tot enigen tyden gebreke alsoe dat se dessen vorscr. rente uut den vorscr. lande ende heerde nyet
manen en konden Soe mogen se de mede manen uut aller Nesens ende oer soens ander lande to Myddelbaert byden
dyck gelegen Ende voert over alle oeren anderen guderen woe offte waer de gelegen synt offte uut elek stucke
besunderen daer den kerckheren ende preisters vorscr. dat jaerlix best belevet to manen vry erffliken daer uut to
waeren Voer ene summe geldes de Nese ende oer soens vorscr. samentlike bekanden dat em vull ende all is betalt
Ende offte dessen vorscr. rente jaerlix nyet betalt en woerde als vorscr. is Soe mogen de kerckheers ende preisters
vorgen. de in manen myt botbreven offte anders myt wat rechte em des best genoget scadeloes gelt uut den
heerde ende lande ten Buren vorgen. Men uut den lande to Myddelbaert mogen se dessen vorscr. rente offte em
inden lande ten Buren gebreke ende nyet betalt en woerde als vorscr. is manen myt wat rechte gheestlick offte
waerlick em des best belevet oer scadeloes gelt offte de beesten daer vor uut den lande doen halen sunder to doen
es rechts ende onbehindert des rechts alldaer offte de kerckheers ende preisters vorgen. oeck tot enigen tyden stoeck
legginge ende lantrechts to doende waeren van den lande to Myddelbaert soe sall de Amptman des gerichts van
Selwert offte de schulte all dier des dan altyt machtich wesen den kerckheers ende preisters den stock daer van to
leggen vor den buren all daer alse lant recht is sunder by wesen Nesens oerer soens offte erffgenamen vorgen.
Welcke ses rynsen gulden rente Junge Hilbrant Sygers Roloffs sone syn levent lanck sall hebn ende bruken ende
nyet langer Ende tendes Hilbrants vorscr. levende salmen Hilbrant vorgen. ende salige Roleff syn moder jaerlix dan
daer van begaen tot ewigen dagen elck myt enen cleynen punt wasses inder vorscr. kercke ende dat ander sullen de
kerckheers ende preisters vorgen. dan jaerlix vor koerpenninge delen Ende by den kerckheren ende preisters vorscr.
blyven tot ewigen dagen van to done als vorscr. is Hyr is to gesproken dat Nese ende oer soens vorgen. offte oeren
erffgenamen dessen vorscr. ses rynsen gulden renten mogen weder aff vry ende quyt kopen tot allen sunte Johannes
to myddensomer bynnen teyn jaeren naestkomende myt hondert enckelde golden overlandesche koerffuurster
rynsen gulden vor datum desbreeffs gemuntet ende myt anders genen gelde ende mytter vuller rente sunder argelist
Dat Orkunde wy myt onser stalt segell Ghegeven inden jaer ons heren dusent vierhondert vyffendetnegentich des
donredages voer sunte Urbanus dach pape Doe Gharmet Allema, Roleff Ulger, Herman Lewe ende Tese Jarges
Borgermeistere waeren onser Stadt.
PLICA: die dree r. gld van dessen sess r. gld. soelen wesen voer die ghemene presteren W.F. subscripsit.
Cassens Clawes Gheert ende Roleff Cassens oer soens ende bekanden samentlike voer em ende oeren erffgenamen
dat se hebn verkoefft upge dragen ende overgegeven den kerchers ende preisters to sunte Merten in onser Stadt de
gremio ende oeren nakomelingen ses golden enckelde overlandesche koerffuurster rynsen gulden jaerliker ende
eweliker rente vor datum desbreeffs gemuntet ende anders gheen gelt jaerlix to sunte Johannes to myddensomer to
betalen myt golden rynsen gulden als vorscr. synt ende myt anders gheen gelt Toe boeren ende to manen uut oeren
halven heerde ende sate landes daer dess de hele heert groet sall wesen negenendedertich grasen landes daer aff
de ander heelffte van to behoert saligen Roleff Cassens kynderen soe alse dove Coert de meyer dat nu brukende
is gelegen Ten Buren geheten de vrye venne ende pade venne mytten anderen lande Ende offte de kerckheers ende
preisters vorgen. tot enigen tyden gebreke alsoe dat se dessen vorscr. rente uut den vorscr. lande ende heerde nyet
manen en konden Soe mogen se de mede manen uut aller Nesens ende oer soens ander lande to Myddelbaert byden
dyck gelegen Ende voert over alle oeren anderen guderen woe offte waer de gelegen synt offte uut elek stucke
besunderen daer den kerckheren ende preisters vorscr. dat jaerlix best belevet to manen vry erffliken daer uut to
waeren Voer ene summe geldes de Nese ende oer soens vorscr. samentlike bekanden dat em vull ende all is betalt
Ende offte dessen vorscr. rente jaerlix nyet betalt en woerde als vorscr. is Soe mogen de kerckheers ende preisters
vorgen. de in manen myt botbreven offte anders myt wat rechte em des best genoget scadeloes gelt uut den
heerde ende lande ten Buren vorgen. Men uut den lande to Myddelbaert mogen se dessen vorscr. rente offte em
inden lande ten Buren gebreke ende nyet betalt en woerde als vorscr. is manen myt wat rechte gheestlick offte
waerlick em des best belevet oer scadeloes gelt offte de beesten daer vor uut den lande doen halen sunder to doen
es rechts ende onbehindert des rechts alldaer offte de kerckheers ende preisters vorgen. oeck tot enigen tyden stoeck
legginge ende lantrechts to doende waeren van den lande to Myddelbaert soe sall de Amptman des gerichts van
Selwert offte de schulte all dier des dan altyt machtich wesen den kerckheers ende preisters den stock daer van to
leggen vor den buren all daer alse lant recht is sunder by wesen Nesens oerer soens offte erffgenamen vorgen.
Welcke ses rynsen gulden rente Junge Hilbrant Sygers Roloffs sone syn levent lanck sall hebn ende bruken ende
nyet langer Ende tendes Hilbrants vorscr. levende salmen Hilbrant vorgen. ende salige Roleff syn moder jaerlix dan
daer van begaen tot ewigen dagen elck myt enen cleynen punt wasses inder vorscr. kercke ende dat ander sullen de
kerckheers ende preisters vorgen. dan jaerlix vor koerpenninge delen Ende by den kerckheren ende preisters vorscr.
blyven tot ewigen dagen van to done als vorscr. is Hyr is to gesproken dat Nese ende oer soens vorgen. offte oeren
erffgenamen dessen vorscr. ses rynsen gulden renten mogen weder aff vry ende quyt kopen tot allen sunte Johannes
to myddensomer bynnen teyn jaeren naestkomende myt hondert enckelde golden overlandesche koerffuurster
rynsen gulden vor datum desbreeffs gemuntet ende myt anders genen gelde ende mytter vuller rente sunder argelist
Dat Orkunde wy myt onser stalt segell Ghegeven inden jaer ons heren dusent vierhondert vyffendetnegentich des
donredages voer sunte Urbanus dach pape Doe Gharmet Allema, Roleff Ulger, Herman Lewe ende Tese Jarges
Borgermeistere waeren onser Stadt.
PLICA: die dree r. gld van dessen sess r. gld. soelen wesen voer die ghemene presteren W.F. subscripsit.
x
| Archief | Groninger Archieven |
|---|---|
| Fonds | Arch. Parochiekerken |
| Toegangsnummer | 1539 |
| Inventarisnr. | 0441 |
| Regestnr. | 420 |
| Register Feith | 1495.007.1 |
| Jaar | 1495 |
| Datumcode | JaUrbani |