Berent Koenrades, 'amptman des gherichtes van Selwert'oorkondt dat hij op verzoek van mr. Gheert Smyt, priester van de Mertenskerk, gevolmachtigd procurator van pastoors en priesters dezer kerk, ten behoeve van voorn. priesters, voor met name genaamde buren uit Myddelbert, een stoklegging doet van de jaarlijksche rente van zes gouden 'enckede overlantsche koerffursten Rijnsche gulden', die Nese Kassens en haar zoons Clawes, Geert en Rolof Kassens aan kerkheeren en priesters de gremio van de St. Martenskerk, den 21 Mei 1495 onder bereidverklaring tot nadere stoklegging, verkocht hebben te beuren op St. Johannis Midzomer uit de helft van hun heerd land van 39 grazen, gelegen te Buren, de 'vrije venne'of 'padevenne'geheeten, of uit hun land te Myddelbert 'bij den dijck'gelegen, of hun andere goederen.

Ick Berent Koenrades indertyd Amptman des gherichtes van Selwert bekenne ende betuge myt dessen openen breve
dat voer my ys gekomen Mester Gheert Smyt preester in Sunte Mertens kerke in Groningen als vulmachtich
procurator van weghen der pastoeren ende Preesteren to Sunte Merten ende hevet my Berent Koenrades als een
Amptman offte Schulte des gherichtes van Selwert daertoe requireert ende geeyschet dat yck hem tot behoeft der
preestere vorgen. stocklegginge wolde doen na lantrechte van sadanen Ses golden enckede over lantsche
koerffursten rynsen gulden jaerliker renten als Nese Kassens, Clawes Geert ende Roloff Kassens hoere soens
voertides verkoft hebn den kercheren ende preesteren tsunte Merten de gremio jaerlix tsunte Johan to mydsomer to
betalen ende to boeren uut hoeren halven heerde ende lande daer de hele heert groet van sal wesen
negenendedertich grasen gelegen ten Buren geheten de vrye venne off pade venne ende oft den preesteren tot
ewigen tyden aldaer ghebreke So mogen se de dan mede manen uut alle Nesens ende hoere soens ander lande
to Myddelbert by den dyck gelegen ende voert over alle hoere andere guderen wo affte waer de geleghen sint na
lude der preesteren vorgen. Stad breeff ende Seghel gans heel ende ongecancelleert yck daer aff geseen Nebbe daer
de datum van ys dusent veerhundert vyffendetnegentich des donredaghes vor sunte Urbanus dach pawes want dan
der preestere vorgen. breeff mede begrepen hevet dat de Schulte offte Amptman indertyt des gherichtes van Selwert
altyt machtich sal wesen den preesteren vorgen. vande voerscr. Ses golden ryns he gulden renten stocklegginge toe
doen na lant rechte als de Amptman vorgen. daer toe requireet ende geeyschet word dan so nae hebbe yck Berent
Koenrades Amptman vorgen. Mester Gheert Smyt tot behoeft der kercheren ende preesteren vorgen. van de voerscr.
Ses golden gulden renten Stocklegginge ghedaen alse lant recht ys inden gherichte van Selwert voer de buren toe
Myddelbert hyr nabescreven alse Mester Derck Koeners, Clodewich Hoerneken, Johan Wyfferdinck, Peter kno
kenhouwer Johan Hinricks, Peter Ghysen, Ebele Eggens ende meer guder mannen ghenoech sunder arghelist
Orkonde yck Berent Konrades Amptman vorgen. myt myn Segel beneden an dessen breeff gehanghen Ghegeven
inden jaere ons heren dusent vyffhundert ende derteyne des wondesdaghes voer Symon et Jude apostolorum.
DORSO: Want dusse dye yongheste was is hie slaper gewerden.

x

x

Archief	Groninger Archieven
Fonds	Arch. Parochiekerken
Toegangsnummer	1539
Inventarisnr.	0441
Regestnr.	629
Register Feith	1513.010
Jaar	1513
Datumcode	JaSimJud

x

x

x

Materiaal	perkament