Everhardus Jarghes 'legum doctor 'en pastoor der kerk te Sunte Merten verklaart tot een 'ewich testament'gegeven en overgedragen te hebben aan kerkheeren en gemeene priesters van de St. Merten en St. Walburgkerk de jaarlijksche rente, waarvan de brief spreekt, waardoor deze brief getransfigeerd is, met last hiermee op nader aangegeven dagen de memorien telkens met een klein pond was te begaan van zijn ouders Coppen en Yde Jarghes, zijn tante Reijnolt Jarghes in leven abdis te Assen, en zijn broeder mr. Hermen Jarghes, pastoor te Eenrum, en Albart Jarghes, waaraan die van mr. Everhardus zelf na zijn dood zal toegevoegd worden, en waarover eenige nadere bepalingen gemaakt worden, terwijl voorn. priesters, die bij de vogilie en de mis aanwezig geweest zijn het overblijvende onderling zullen verdeelen.

Ick Everhardus Jarghes legum doctor ende pastoer der kercken thoe snte Merten in Groningen
bekenne ende betughe myt dessen openen transfixbreve voer my end myn erffgenamen dat ick umme
salicheit myner ende myner olderen selen ende voer my een ewych testament hebbe upgedraghen
ende overgegeven drage up ende gheve over den kerckheren ende gemene pretsren der voerscr. kercken
thoe sunte Merten end toe sunte Walburgen de dree franasche schilden ende een kanne wyns jaer-
licker renten daer de breeff van spreket dair desse breeff doer gethogen is vry end quyt ewelick
end erfflick in allen maneren thoe boeren ende toe manen soe als de selffte breeff daer van inholdet
end uutwyset voer welcke renthen de kerckheren end presteren voerscr. desse nabeschreven memorien jaerlix
begaen sollen elke memorie mitt een cleyn punt wasses nae gewonte der kercken voirscr. In den eersten
up Sunte Valentinus dagh salmen nemen van den voerscr. renthen ses arens gulden tyn Gronynger
stuvers voer datum des breves gemuntet voer den gulden gereekent daer men mede begaen sall
twe memorien nemptlick myner saligen olderen Coppen ende Yde Jarghes tot ewighen daghen end
wes dan als de memorien betalt synt van den ses arens gulden overlopet solen de pastoren end
presteren under malckanderen delen voer choerpenningen end truwelick voir de selen bidden. Ende van
15. dat ghene dat daer dan meer blyfft van den voirscr, renthen van de ses arenssgulden voerscr. daer solen
de preenteren voerscr. van begaen alle iaer soe lange als ick Everhardus voirscr. leve ende neet langher
den eersten dach in September dree memorien als nemptlick myner saligher moyen vrowe Reynolt
Jarghes Abbdisse thoe Assen mester Hermen Jarghes pastoer thoe Eenrum end Albart Jarghes myner
brodere elck memorie myt een cleen punt wasser Ende wes daer dan overblyvet solen de presteren
under malckanderen delen voir choerpennyngen end truwelick voer de selen bidden Dan nae myns
Everhardi doet den godt salich will voegen soe sal dat gene daer de dre memorien voirscr. mede geholden
synt komen tot myn memorie myt dat ghene dat ick in mynen testament daer noch thoe maeken
de ende ordinerende werde van welken alsdan de pastoren ende preesteren voirscr. tot ewyghen daghen
holden solen veer memorien up myn sterff dach nemptliken myn selves myner moeyen end
broderen voirscr, elck memorie myt een cleyn punt wasses end wes daer overlopet solen de presteren
voirscr. under malckanderen delen de des avondes toe vigilie comen end des anderen daghes mysse doen
ende bidden voer uns voirscr, end alle christen gelovige selen sonder argelist. In oerkunde der waerheit
hebbe ick Everhardus Jarghes doctor end pastoer voirscr. voir my end myne erffgenamen myn eghen Segell
beneden an des en breeff gehangen In den Jaer unses heren dusent vyffhundert ende twe ende twyntich
des maendaghes nae Philippi et Jacobi apostolorum.

x

x

Archief	Groninger Archieven
Fonds	Arch. Parochiekerken
Toegangsnummer	1539
Inventarisnr.	0386
Regestnr.	684
Register Feith	1429.001.2
Jaar	1522
Datumcode	LpPhiJac

x

x

x

x

Materiaal	perkament