Burgemeesteren en Raad in Groeninghen oorkonden, dat Mense Koninghes voor hen verklaarde verkocht en overgedragen te hebben aan de voogden van Sunte Walburghenkerk de 3 deimt land, waarvan de brief spreekt, waardoor deze brief getransfigeerd is.

Wy Borghermestere ende raadt yn Groeninghen betueghen myt desen openen breve datt vor uns is gekoemen de
Eerbaere Mensa Koninghes ende bekande vor hoer ende hoeren arffgenamen dat se hevet verkofft upge draeghen
ende overgegeven yn enen steden vasten arffkoepe den voegeden tho Sunte Walburgen karcken yn unser stadt ende
hoeren naekomelynghen tot behoeff der vors. karcken, de dree deymate landes van de twalven de Mensen vors.
ende hoer moeder unvorscheyden tho qua men daer de breeff`van spreket daer desse breeff durch getogen is vry
ende quydt arffliken ende ewliken tho brueken tho besytten ende all hoeren vryen wyllen daermede tho doen ende
vry arffliken tho leveren ende tho waeren vor alle angpraeke vor ene Summe geldes na mentlick tsestich embder
gulden ende ses golden Koerforster overlantsche rynsche gulden vulstandich van gewichte ende valwatie de Mense
vorgen. bekande dat hoer vul ende all ys betaalt de laeste pennynck mytten eersten van den vors. voegeden Sunder
argelist dat oerkunde wy myt unser Stadt Segal Gegeven ynden Jaere unses heren dusent vyffhundert
negenendtwyntich up avende visitationis Marie do Johan Hoernken Everdessoen, Hilbrant Rolteman, Eltet tho
Lellens ende Willem Wicheringh Borghermestere weren unser Stadt.

x

x

Archief	Groninger Archieven
Fonds	Arch. Parochiekerken
Toegangsnummer	1539
Inventarisnr.	0010
Regestnr.	732
Register Feith	1529.008.2
Jaar	1529
Datumcode	vVisMar

x

x

Materiaal	perkament