Folkeld, Witwe Ocko's tom Brok, giebt und beschwört abermals ein Zeugniss über die Unrechtmässigkeit der Ansprüche ihrer Schwiegertochter an Güter des Imelo und Haro, Erben der Adda von Hinte. (Vgl. Nr. oub0200 und oub0289).

Ik Folkeld, her Ocken vrowe zelgher dechtnisse to Broke, bekenne unde betughe openbaer vor allen guden luden, de dessen breff zeen off horen lezen in tokomenen tyden, dat my dat wytlik unde kundich is, dat Imele unde Hare, Adden zones to Hynte, neen gued, groeth noch clene, Adden, Kenen vrowen mynes zones schuldich zint to uterne, [*] dar zuo zee vor ansprekt van eres vaders weghene, wante Imele unde Hare meer gudes van Adden tachter zint, dar zee myt rechte wal up spreken mochten, dan Adde van en broderen myt gynynghe rechte moghe eeschen; unde dit wil ik Folkelt vorscr. holden up myne zele vor Gode unde der werlt, dar ik Godes best behove, dat dit aldus in alzo vorscr. steyt, unde wy Kene hoffling to Broke unde Awerke, her Almer canonicus to Oldenborch[*] unde beleende preester to Uthengerbure[*] unde her Haye beleende prester daerzelves, nach den dat vrowe Folkeld desse vorscr. bekantnisse unde lyenge[*] vor uns ghedaen hefft unde vor anderen velen guden luden, zo hebben wy dessen breff gherne bezeghelt myt unsen hangenden zeghelen umme Imelen unde Haren beede willen to mereren loven unde tughe. Gescreven int jar unses Heren M^o CCCC^o unde XIII, up unser leven Vrowen dach purificationis.

x

x

Archief	1820 Die Kunst
Fonds	Grimersumer Kiste
Inventarisnr.	009
Jaar	1413
Datumcode	PurMar

x

x

x

x

Commentaar	Die drei anhängenden Siegel sind fragmentarisch erhalten.

x

Materiaal	perkament

x

Edities	Editie naar dit exemplaar: oub0234.