| Nummer:ugk037 | Datum:28. Jan. 1460 | Overlevering:Original | Vindplaats:Grimersumer Kiste, inv.nr. 037 |
Häuptling Ulrich spricht dem Pfarrer Wiltet zu Westerhusen die Hinterlassenschaft des Folkart Eckena zu Timmel zu, und befiehlt einigen seiner Unterthanen bei 10 Gulden Strafe, das was sie von jenem Nachlass in Händen haben, dem Pfarrer zu restituiren.
Wii Olrick toe Gretziil, Norden, Aurke, Emden, Berum etc. in Oestfreslande hovetling, enbeden ju Folcart Papinga, Nonno syn broder, Wiltet Ewerick syn swager, Eggo Lutet, Remet Ammekena, Tiald Meendsna unde vorder alle den ghennen, de de gued oft wes van Folcart Eckena to Thymmel nagelaten gudere entfangen offte upgebord hebben, elken unde enen idliken bii ener pene van 10 Rinschen gulden, dat eyn jewelick sodane entfangene gudere deme ersamen heren Wiltet, kerckheren to Westerhusen, bii anseen dessen breves sonder vortoch volgen laten, als wii eme nae utwisinge eyns landrechtes togescheden hebben. Were zake, hiir we enboven dechte to donde, dar uns jengerleie klage van qweme off komen mochte, so dencken wii sodane vorger. pene van enem idliken ernsthafftigen to manende. Screven under unseme secrete. Anno etc. sexagesimo, ame mandage vor purificacionis beate virginis Marie.
