De abdij te Assen en Grete Houijnghe met de kinderen van haar zoon gaan een ruiling aan, waarbij de abdij krijgt het hooiland "dat Back" tegen afstand van 2 stukken hooiland "de Nye Weyde" en "de Trinenmaet", en maken bepalingen omtrent voorkoming van last door water en beesten en het verdrijven van de laatsten. Met medebezegeling door Steven Broyl, schulte te Rolde.

Wy Anna Ffroma by der ghenaede Goedes abdisse des convents tho Assen, juffer Elsa Conders priorinne, juffer Margarita Traffs
keldersche juffer Margarete van Echten suppriorinne met sampt der anderen seniorschen unde gemene conventualen unde wy Grete Hovynghe
met mynen sons kynderen ende arffgenamen bekennen unde belyen vermids dessen teghenvordygen bezegelden breven voer ons unde onsen nakomelyngen
wel voer onsen sonskynderen unde arffgenamen dat wy Anna Froma abdisse tho Assen met dem gemene conventualen voer-screven unde ..m Grete Hovinge
voerscreven hebben enen vruntelicke liefflicke unde een-drachtelicke stede unde vaste eenych unde onwederropelicke bu/e\tenscap unde verwysselinghe
gheholden met dre stucke hoylandes. Also dat wy Anna Froma abdisse vorscreven met consent onses convents hebben verwysselt unde verbutet
Grete Hovynge voerscreven unde hoerre arffgenamen tue stucke hoylandes dat ene geheten de Nye weyde dat ander de Tunne maet waer voer wy
abdisse voerscreven weder untfangen hebben thot onsen willen unde gueden genueghen een stucke hoylandes van Grete voerscreven geheten dat Rack
om nutte profyt unde beste gelentheit onser beyden voer-screven parten. Ock is verdraghen off convent overvluedyghe wateren kreghe daer
sael Grete voerscreven noch hoer arffgenamen gheen upsprake ofte bekronynge up hebben upten Convente angha/e\nde de Nye weyde. Ock heft Grete
voerscreven angenomen dat se off hoer arffgenamen de water losinghe soe sullen open holden dat het convent voerscre-ven dat ock geen upspraek ofte
bekronynge up en hebbe. Ock is verdraghen off gheborde ofte gheschede dat des convents beesten ofte peerden by daghe ofte by nachte
in desen voerscreven landen broken by sich solven soe sael Grete ofte hoer arffgenamen de sulven sunder enyghe ques-singe schuttynge hinder
off schaede weder uut driven des gheliken sael ock het convent voerscreven met hoeren herders sich ock holden de sulven neit
moetwyllich dem landen voerscreven ghene schaede tho doen. Ock want wy Anna Froma abdissa tho Assen myt dem ghemenen
convente voerscreven unde wy Grete Hovynghe met hoeren kynderen unde arffgenamen desse voerscreven bute unde verwysselynghe eenich
vaest unde unverbroken thot /e\enyghen daghen wyllen geholden hebben. Soe bynnen der tue bezegelde breven aff ghemaket
verzeghelt van ons abdissa voerscreven unde verzegelt van Steven Broyl schult tho Rolde umme ene tho bewarende voer ons unde
onses convents voerscreven unde onsen nakomelyngen de ander tho bewaerende Grete Hovynghe unde hoeren kynderen
unde arffgenamen van worden twoerden alleens ludende. Hir synnen dedynghes luden by an unde over ghewest Hinrych
unde Warmolt Abberyinghe van weghen des convents Frerick Koyter unde Johan Koiter van weghen Grete Hovynghe
Orkonde der warheit soe hebbe wy Anna Froma abdissa tho Assen met consent onses convent onse convents zegel
an dessen tue breven gehanghen unde wy Grete Hovynge met hoer kynderen omme gebreck onses eghen zeghel ghebeden
hebbende dem Erbere Steven Broyl schult tho Rolde heft syn eghen zegel an dessen tue breven beneven des convents
zegel gehangen inden jaer ons heren dusent vyffhundert unde dreun/t\sestich dem achtendach junij.

x

x

Archief	Drents Archief
Fonds	Arch. Abdij Assen
Inventarisnr.	90
Regestnr.	151
Jaar	1563
Datumcode	0806

x

x

Commentaar	Met geschonden zegel van S, B. in groene was; het conventszegel is verloren.

x

Materiaal	perkament
Afmeting (mm)	285-290/185

x