| Nummer:oub0111 | Datum:22. Sept. 1369 | Overlevering:Editie | Vindplaats:Ostfriesisches Urkundenbuch, I, S. 98, nr. 111 |
Liobba von Burhave verspricht den Bremern Freundschaft und Frieden.
Universis consulibus ac civibus civitatis Bremensis pateat evidenter, quod ego Liobba de Bire[*] amiciciam et pacem dudum inter nos servatam vobiscum fideliter servabo, vestros in aquis vel in terra transeuntes[*] promovebo, ceterique michi adherentes vel causa mei aliquid facere vel dimittere volentes[*] predictos vestros cives ubicunque ipsos casu contigerit[*] pervenire non inpediant, sed magis promoveant. Si vero Yna Ydes aliquid malum seu impedimentum facere presumpserit vestris civibus vel mercatoribus in terris vel in aquis hoc volo cum meis adiutoribus vobiscum vindicare toto posse; presentibus promitto bona fide, sigillo meoque protestor. Datum anno Domini Mo CCCo LXo nono in die sancti Mauricii.
