Henrick de Vos alias van Steenwick beleent de abdij van Assen met de grove en smalle tienden genaamd "her Aleffs tenden van Rolde," en gelegen in het kerspel van Rolde in de buurschap van Schoonloo, door Reynolt de Vos aan de abdij geschonken als provene voor zijn beide dochters Herbert en Mechtelt.

Ick Henrick de Vos anders geheten van Steenwick bekenne ende betuge in dessen openen breve
dat ick hebbe beleent ende belene voer my ende voer miin erfgenamen der Erberen jonfer Wibbe
Hubbeldinge Abdyssen van Assen ende den gemenen convente also danigen tenden groff ende
smal als Reynolt de Vos den Convente vo/e\\rscreven hefft gegheven voor siinre twyer dochter
provene als jonfer Herbert ende Mechtelt welcke tenden gheleghen is inden kerspel van
Rolde, inder buurschap van Schonloe ende gheheten is her Aleffs tenden van Rolde. Hier weren
an ende over als manne jonghe Johan van Steenwick, Herman Hiddinge, Johan Hiddinge
anders geheten Pype. In een tuech der waerheit zo heb ick Henrick voerscreven voer my
ende voor miin erffgenamen minen zeghel an dessen breeff ghehanghen. Ghegeven int
jaer ons heren M CCCC ende dre ende veertich op meydach.

x

x

Archiv	Drents Archief
Bestand	Arch. Abdij Assen
Inventarnr.	35
Regestnr.	50
Jahr	1443
Datumcode	Mei

x

x

Kommentar	het zegel is verloren.

x

Material	perkament
Abmessung (mm)	220/95

x