Henric Hubbeldinge Roloffszoene en Ghese, echtelieden, dragen over aan zijn zus Grete Hubbeldinge te Assen een rente van 2 Groninger mudden rogge uit Eysingeguet te Gieten, een losrente van 1 mud en 1/2 schat rogge uit het erf van Brant en zijn kinderen te Gasselte, en een rente van 2 mudden rogge uit Syckinge-erve te Exloo, bewoond door Johan Bebinge, met bepaling dat bij Gretes overlijden de renten vervallen aan de abdij. Met medebezegeling door Willem Hiddinge.

Ick Henric Hubbeldinge Roloffs zoene ende Ghese miin echte wijf bekennen ende betughen in dessen ope-
nen breve voer ons ende voer onse erfgenamen dat wy hebben overghegheven ende op ghedraghen
Greten Hubbeldinge onser zuster to Assen ewelike ende erflike twe mudde roggen Groninger mate
jaerlikes to boren uut Eysinge guede to Gheten. Item, een mudde roggen ende anderhalf schat rog-
ghen gheleghen over Brands ende synre kinder erve to Gasselte ende oeck twe mudde roggen over
Syckinge erve to Exlo dat nutertyt Johan Bebinge myt synen broders onder hevet. Ende van dessen
voerscreven mudden sal de Abdysse van Assen miin suster Greten voerscreven besorghen gheliken anderen
gheleerden jonferen. Ende wanneer Grete vo/e\rscreven aflyvich wort, zo sullen desse vo/e\rscreven mudde ewelike ende
erflike blyven in den cloester vorscreven totter abdyssen ende der gemeenre jonferen orber, de bestadet zint
inden deenst Ghods sonder yemans weder zegghen, uut gheghesproken dat ene mudde ende anderhaff [sic] schat
to Gasselte voerscreven dat moghen Brant ende syne erfgenamen vorscreven tot allen tyden losen dat mudde voer
twintich arnemsche gulden seventiin olde buttekens voer den gulden gherekent of payment dat daer gued
voer is inder tijt der betalinge. Al arghelyst uutghesproken. In een tuech der waerheyt zo heb ic Hen-
ric vorscreven voer my voer Ghesen ende voer onse erfgenamen minen zeghel beneden an dessen brieff ghe-
hanghen. Ende om de merre vestenisse zo heb wy Henric ende Ghese vorscreven ghebeden Willem Hiddinge
dessen brieff mede to bezeghelen. Ende ic Willem om bede willen Henricks ende Ghesen hebbe minen ze-
ghel mede an dessen brief ghehanghen. Ghegheven int jaer onss heren dusent veerhundert ende sesendeveertich
op sunte Matheus dach des hilligen apostels.

x

x

Archiv	Drents Archief
Bestand	Arch. Abdij Assen
Inventarnr.	36
Regestnr.	55
Jahr	1446
Datumcode	Matthe

x

x

x

Kommentar	Met 2 geschonden zegels in (gele ?) was.

x

Material	perkament
Abmessung (mm)	230/140

x