Burgemeesteren en raad in Groningen oorkonden, dat Heyle Allema met toestemming van haar man Gharmet Allema droeg over aan de abdij te Assen 18 grazen land genaamd Blocheem, met haar aandeel in den Schylt, gelegen bij Selwert aan de westzijde van de weg, belast met 2 renten respectievelijk van 6 Rijnsguldens voor Berent Vlaskoper en van 4 postulaatguldens voor wie "dat mit zegele ende breve bewisen kan.''

Wy Borgermeistere ende Raed in Groningen betugen mit dessen openen breve dat vor ons is gekomen Heyle Allema ende becande
voer hoer ende oeren erffgenamen ende by consente Gharmes Allema hoers echten mans dat se hevet verkofft up ghe-
dragen ende overgegeven der weerdiger ende religioser vrouwen Reynolt Jarges abdisse toe Assen tot behoeff
des selven convens [sic] ende oeren nacomelingen achteyn grase landes Blocheem geheten mit hower pard van
den Schylt gelegen by Selwert ande wester syd vanden wech daer tconvent van Selwert naest by
gelandet is up de norder syd ende salige Barolt Jarges erffghenamen up de suder syd streckende westwert
anden wech vry ende quyt erffliken ende eweliken toe bruken ende to besitten Beholden Berent Vlaskoper
uut den voerscreven lande ses rynsen gulden renten na uutwisinge synre breven, bet veer postelates gulden
renten den ghenen de dat mit zegele ende breve bewisen kan. Anders lovet Heyle vorscreven voer hoer
ende hoeren erffgenamen dat vorscreven land vry erffliken to waren den convente vorgenoemd voer ene summe geldes
de Heyle vorscreven bekande dat oer vull ende all is betaelt sunder argelist. Dat orkonde wy mit
onsen stad segel. Ghegeven inden jaere ons heren dusent vyffhundert ende vier des wondesdages
na sunte Gregorius dach doe Hermen Lewe, Ludeken Hoerneken, Coerd Conrades ende Johan The-
dema Borgermeistere waeren onser stadt.

x

x

Archiv	Drents Archief
Bestand	Arch. Abdij Assen
Inventarnr.	101
Regestnr.	120.
Jahr	1504
Datumcode	EpGregor

x

x

x

Kommentar	Het stadszegel is verloren.

x

Material	perkament
Abmessung (mm)	220-230/105-110

x