Tamme Liuppama te Oosternieland verkoopt aan Abelo Eelkesma en Hilke, echtelieden te Oldenzijl, een 'reers' land in Andersmavijffe, strekkende van de Meetslaet tot in de zee.

Ic Tamma Liuppama kerspelman upten Nyenlande bekenne ende betughe myt dessen Jeghen
wordighen breve dat yk by myner vrende rade hebbe vorkofft Abelen Eelkesma
ende Hilken syner echter frouwen kerspels lude ten Oldenziil een reers lant in Au-
dersma viiffe gheleghen van den meet slaet uut int heff yn vor ene summa ghel-
des de my wl ende al wytlik ende wal betalt is de eerste pennyng myt den lesten
hiir umme gheve ick Tamma vorsc. over Abelen ende Hylken vorsc. den eghendoem
van dessen vorsc. lande to erffen to setten to verwesselen to verkopen ende al
horen vryen willen dar mede to done to eweighe daghen alle arghelijst ende nye
vijnde uut ghesproken dat men dessen breeff mede vervalschen mach, Ende den wech
vor mijn hues an den diik dyt vorsc. lant to bruken neet to weygheren Abelen
ende Hylken ende Eren erfghenamen hiir weren an ende over ende to tughe ghenomen
van beyden syden de worheit to hoeden Meynt Buttama weddeman up dat Nyelant
Itka Remkama ende Kampa ten Oldenziil Lewert Sybrandesma to Westerwydewert In
oerkunde der worheit soe hebbe yk Tamma vorsc. ghebeden her Hinric mynen kercheren
dessen breeff to besyghelen Ende yk Hinricus vorsc. umme bede wylla Tammen vorscr.
heb yk mynen syghel an dessen breeff ghehangen Gheg. Int Jaer onses heren Mo CCCCo
XXXIX des sonendages vor onses heren hymelvard.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	304
Regestnr.	184
Olim	Arch. Klooster Wijtwerd, inv.nr. 10, reg. 63. Reg. Feith 1439.21.
Jahr	1439
Datumcode	DaAscDom

x

x

x

Kommentar	Met het zegel van Henricus, pastoor te Oosternieland

x

Material	perkament